PSK Gathering

With the special participation of the Secretaries and Treasurers
12 December 2015, Martinez Sports Complex, Ateneo de Davao University
Matina, Davao City

TEMA: Pundok Banay: Konkretong Pagpadayag sa GKK isip kabahin sa lokal nga Simbahan sa Davao

“Ang pagka PSK dako kaayo nga responsibilidad ug kaakuhan apan kon ang maong gimbuhaton diha nagagikan sa kasing-kasing nga matinud-anon, ang mga problema sa GKK malahutayong masulbad, kay ang Dios motabang jud kanako,” matud pa ni Rosalio Lacaba, PSK gikan sa GKK Immaculate Conception, San Miguel Parish – Marahan. Usa lamang siya sa kapin 3,000 nga mga PSK, Treasurer, Secretaries nga mitambong sa PSK gathering karong tuiga. Si Rosalio, nahimo pud nga PSL sulod sa 35 ka tuig. Panahon sa Kasaulogan sa Pulong, siya nagatabang isip choir member. Daghan pa ang sama niya nga gipasalamatan sa Arsobispo sa Dabaw sa iyang homiliya. Unang higayon kini nga giapil ang mga Treasurer ug Secretaries gikan sa kapin 1,700 ka mga GKKs sa Arkidayosis sa Dabaw.

ANG AKONG NAKAT-UNAN SA PSK GATHERING

“Daghan, bahin sa Pundok Banay, tungod kay makadungag ug kahibalo isip usa ka PSK; nga among mapaambit sa mga pundok banay sa matag GKK.” – Pacita Cano, San Miguel Parish – Marahan

“Importante ang Pundok Banay bisan ug wala pa kini sa amoa, apan dili mapalambo usab ang among pagtoo ug naa ang panaghiusa.” – Jeneliza Lorayna, San Pedro Calungsod Quasi-Parish

“Importante nga naa ang Treasurer ug Secretary tungod kay wala pa man silay assembly. Bonding kini, mapadayag ang gugma sa tanan; mapaambit usab ang treasure.” – Elizabeth Fidelis, PSK Coordinator, Sacred Heart Parish, Obrero

“Ang akong nakuha maayo diay nga aduna tay Pundok Banay ang atong katilingban aron kini mapalambo ug padayon ang mga katawhan sa konkreto nga pagpadayag sa atong GKK. Nindot kini unta nga bahin sa atong simbahan; i-encourage ang katawhan sa pagbuhat sa pagpalambo sa atong GKK.” – Arcelita Patricio, Treasurer, San Pedro Vicariate

“Ang akong nakat-onan sa pagpaambit karong adlawa nga ang matag GSL adunay pagtambayayong, aron mapalambo pa ang kalihokan sa GKK ug sa kinatibuk-ang simbahang katoliko pinaagi sa Pundok Banay. It encourages us to become good servants!” – Joy Jauod, Parish SoCCom, Virgen Dolorosa Parish, Babak

“Daku gayud kay karon lang nahitabo nga nag uban ang PSK, Secretaries, ug mga Treasurers. Great. God bless!” – Romeo Galarpe, PSK, VDP IGACOS

DOCUMENTATION TEAM: CHENG VILOG, POP BARCELA, LEAH IBAÑEZ
PHOTOS: BOY UGAY, ALVIN HONDOS