Pagtugyan sa kaugalingon Gasa sa pagtoo

EXCERPTS FROM THE HOMILY, PSK GATHERING

‘Usa ka klasrom nga makarecite ang tanan.’

Mao kini ang simpleng pagpasabot ni Yanong Muloy sa mga mitambong sa PSK gathering kabahin sa Pundok Banay kon clustering diha sa matag GKK. Tungod kay siak-siakon man ang mga GKKs, mas mapadali ang paghatag ug impormasyon, ug pagpasabot sa tanang pamilya nga miyembro niini. Ug sama sa klasrom, mahatagan na ug panahon ang matag estudyante nga makapadayag sa ilang partisipasyon.

Gipahinumduman sab niya ang tanan sa realidad sa atong GKK. “Mao nay buhing larawan sa Arkidayosis sa Dabaw, dakung pundok sa matinuohon, ang pundok sa katawhan sa Dabaw – mga parokya.”

Ang unang basahon, si Zechariah, human nga mabati ang nga sila gidaug daug miingon, “Muabot na ang adlaw nga ang Ginoo magpuyo kanato, sa atong taliwala.”

Sa ikaduhang pagbasa sa sulat ni San Pablo ngadto sa mga taga-Efeso, miingon nga gigrasyahan sila sa Diyos tungod kay “ang tanang ispirituhanong gasa ania kanato.”

“The gift of faith – nganong maghagohago man ta? Karong adlawa nakagasto pa ta, nay mga doktor nga waka clinic, nay mga labhonon nga gibiyaan,” pangutana ni Yanong Muloy.

“Ang pagtoo gasa ug tambok kaayo ta, lig-on kaayo ta, maya nga muatubang sa kinabuhi because of the gift of faith. Ang gasa sa pagtoo gikan sa Malabog, Lasang, Fatima, San Pablo, St. Jude, ma obispo, mapari, maoy engine sa pagpangalagad. Bation ninyo ang pagtoo diha sa kasingkasing.”

Gipaambit niya ang iyang kasinatian sa blessing sa Tugbok sa MIC Missionaries, “naa silay rondalla, mga kinse ka buok, makalingaw tungod kay di kaayo popular (ang musika), apan some may take that aron ang kulturang Pilipino dili mawala.

“Nakabantay mo? Inig eleksyon sa GKK, daghan muabsent. Sama sa style sa Rondalla nga dili kayo daghan ang mutake sa kind of music – ing ana gihapon sa simbahan, dili popular, labina kung pilion na, apan salamat kay inyong gidawat. Naa kunoy uban, pagkahuman ug secretary, treasurer, di na kuno makit-an. Naa unta ta nga mutabang aron mutabang sa sunod nga mga lideres sa katilingban aron dili sila mahadlok mukuha sa mga responsibilidad kay anaa kamo nga nakasinati na,” pahimangno sa Obispo.

“Huna hunaa nga kini (pagpili) kabahin sa paglamdag sa Espiritu Santo, pag amuma diha sa katilingban, tawag sa Diyos diha sa katilingban. Servants kita – intact, buhi, attractive, diha sa katilingban. Pasalamat kami nga makita kamong mga GSL nga nag alagad sa katilingban. Andam kitang muhatag sa extra mile – ang gasa nga pagtoo nga akong gipunting ganina; tataw alang kanako nga anaa kaninyo.”

PISTA SA OUR LADY OF GUADALUPE

Ang Disyembre 12 adlaw sa kapiyestahan sa pagpakita ni Maria sa usa ka mag-uuma nga si Juan Diego sa Guadalupe.

“Kining diwa sa GKK; ang bag-ong pamaagi sa pagkasimbahan; Ang bag-ong pamaagi sa pagka GKK. Kinsang pista karon? Si Birhen Maria, the woman from Nazareth. Mao nay sa ebanghelyo karon. Si Maria sa Guadalupe nagpakita sa usa ka mag-uuma nga si Juan Diego. Ang duha gikan sa mga lugar, nga kung sa karong panahon, way ayo, di angay tagdon.

Si Juan Diego, si Maria, nagalarawan para nato ang nindot nga attitude sa simbahan pinaagi sa mata ni Maria, Juan Diego, ug ni Hesus. Ang paghupot sa pagtoo sama sa paghupot sa usa ka gamay, dili noteworthy, mga 20% ra kita diha sa GKKs apan kung atong tan-awon sa punto de bista sa ubos (perspective from below), sa pagkagamay, subay sa personalidad sa mata ug kasingkasing ni Juan Diego, Maria, ug Hesus.

Sa katapusan, si Yanong Muloy, sa tumang pagpaubos misaysay, “kaming mga pari, muduol kaninyo aron makakuha kami sa nindot nga spirit ni Maria, Juan Diego and most of all, ni Hesus.”