Eyukaristiya sentro sa Metro Xavier Fiesta

Balanseng kinabuhi, madasigong mga pari. Mao kini ang kanunay nga ginalantaw sa pormasyon diha sa seminaryo. Human sa pagtuon, pag-ampo, adunay usab panahon sa pagdula dula, ug pag inambitay.

Busa, atol sa ika-60 nga Metro Xavier Fiesta 2015 niadtong Disyembre 2-3, 2015 sa Regional Major Seminary, Catalunan Grande ubay-ubay nga mga aktibidad ang gihan-ay.

ANG TEMA
Subay sa tema, “Sa Eyukaristiya, Maghiusa ta Uban ni San Francisco nga atong Giya,” ang Assistant Pastoral Director sa St. Francis Xavier Regional Major Seminary ug kasamtangang Sports Director sa programa nga si Fr. Rene Ribac nagkanayon, “St. Francis is a perfect reflection because he is also a Eucharistic person…we look at St. Francis as our guide, as our model also nourished by the Eucharist.”

ANG PARTISIPANTE
Human mamitingan na mga beadles gikan sa lain-laing komitiba malampuson nga napahigayon ang maong selebrasyon. Suportado sa mga magtutudlo ug formators, giapilan kini sa mga musunod: St. Francis Xavier Regional Major Seminary, St. Francis Xavier Pre-College Seminary, St. Francis Xavier Pre College/College Seminary, Apostles of Jesus Crucified, Society of Divine Vocation, Sacred Heart Brothers, Society of Divine Word, Order of St. Benedict, Marist Fathers, Order of Friars Minor Capuchins, ug Marians of the Immaculate Conception of the most Blessed Virgin Mary.

“It’s an experience of unity amidst diversity because we came from different places—not just from Mindanao—some are from Iloilo and Luzon. It’s really amazing to know how we walk and journey together towards our goal,” matud pa ni Seminarian Winmart Adelantar.

ANG MGA AKTIBIDAD
Ang Metro Xavier gisaulog sa duha lamang ka adlaw. “Few years ago, gina-celebrate ni nga event for three days, but it was suggested by the Mindanao Bishop’s commission to held the event only for two days so that classes will not be compromised. Bahin sa mga activities, so far pareha ra gyod. Naa lang siguro’y nadungag sa mga games, kanang mga ball games pero ang mode sa celebration is the same.”

Basketball ug volleyball, solemn vespers, socio-cultural night ang gipahigayon sa unang adlaw. Gisundan kini og Lauds, Pontifical Mass, Basketball exhibition and invitational games, ug presentations.

Gibahin-bahin sa pito ka pundok (Red, Orange, Yellow, Green, Blue, Black ug Pink) ang mga college seminarians gikan sa nagkadaiyang communities. Adunay 59-65 ka miyembro ang matag pundok.

Human niini, gipahimangnuan sila sa mga tulumanon nga angay nilang subayon sa pagsaulog sa pista, ug kini gisundan sa Lighting of Torch, Oath of Sportsmanship, ug Cheering Competition.

“Ang socio-cultural night ang usa sa ginaatangan sa mga bisita kay talagsaon sab ang mga presentasyon nga ipasundayag sa mga partisipante. Ang konsepto niini giangkla sa tema nga pokus sa Eyukaristiya. It is something special. Most especially, nga ang Pilipinas kita napili nga maghost sa International Eucharistic Congress (IEC),” dugang ni Fr. Ribac.

“Pagka December 3 diri sa Regional Major Seminary, open house ni. Ang mga bisita makasulod sa kwarto sa mga seminarian ug sa mga pari. So that’s the time nga makasulod ilang mga parents dira sa ilang mga areas, sa GKK, sa centers even sa mga kwarto sa mga pari. Kini ikaduha lang ni mahitabo diri sa seminary—only during fiesta and pastoral day.

Gawas sa pagsaulog ug papadayag sa kalipay isip komunidad, mapasalamaton ang tibuok seminaryo sa Ginoo ug sa mga misuporta niini nga naga-ampo kanilang mga pari ug seminarista. (Cathyrine Molles | Ginalyn Vistal | Cleofe Amor Toroba | HCDC INTERNS)