‘Pamilya, ihiluna sa GKK’

EXCERPTS FROM HOMILY
50th KSP-PSL Anniversary, Archdiocese of Davao
November 2015, USEP Gym

Singkwenta na ka tuig ang Kasaulogan sa Pulong-Pangulo sa Liturhiya sa Dabaw. Si Yanong Muloy miingon sa kapin 3,846 nga mga PSLs: ‘Sigurado ko nga si Abp. Thibault, ug ang mga PME fathers naka smile karon.” Isip mga pioneers o mga nangunang pari, ang kanhing Obispo ang nangusog aron matawo ang KSP-PSL sa Dabaw paghuman sa Second Vatican Council niadtong 1965.

“Ang mga kabag-uhan”, matud pa niya, “nagpamatuod nga mao kita ang katawhan sa Diyos; usa ka pamilya nga nalambigit sa usag-usa. Apan tungod sa kadaghan, lisud kini nga maeksperyensiya, mao nang gi-develop sa unang Obispo (Abp. Thibault) ang Gagmay’ng Kristohanong Katilingban. Gikan dinha sa kinaiya isip simbahan mao ang pagkamainampoon – dili siya mahimong siya kung walay pag-ampo.”

Dugang niya, gikan dinhi nga kinaiya ang desisyon sa pagbutang ug lideres sa pag-ampo niadtong 1965. “Ang PME fathers nakamugna ug pag-ampo sa katilingban.”

Sa pagpadayon sa misyon, gipahimangnuan sa Obispo nga walay kahulogan ang pagsilbi kung dili kita mulakaw sa tono, martsa sa Simbahan. “Alagad kita sa Simbahan nga gipasaligan ni Kristo. Kita kabahin sa pagpangalagad niini isip PSL.” Gisangon sa Obispo sa mga PSL ang paghimong lig-on sa mga pamilya nga gialagaran sa mga PSL.

Sa katapusan, gipahinumduman ang tanan nga ipadayon ang panag-uban, pagbasa sa Pulong sa Diyos, paghimo sa Eyukaristiya nga sentro sa pagpangalagad, pagpangumustahay, ug pagpaubos.

“Kung kanunay kitang manag-uban, then mulahutay kita sama sa miaging 50 anyos,” panapos ni Yanong Muloy.