Kapin 400 migradweyt sa Church-based Training

Gipahigayon nga malampuson ang Graduation Ceremony sa 388 ka mga skills trainees sa TESDA Davao didto sa St. Claire Hall sa St. Francis of Assisi Parish, Ma-a, niadtong Oktobre 25, 2015. Ang maong programa gipangunahan sa parokya sa St. Francis of Assisi, Maa ug sa TESDA XI.

Sa pagpangulo ni Regional Dir. Gaspar Gayona ug ni Rev. Fr. Bong Gonzaga, gilantaw nga ang mga nakahuman ug nakadawat sa TESDA NC II certificates aduna nay mas dakong kahigayunan nga makapangita ug trabaho sulod ug gawas sa nasud o di ba kaha makatukod ug ilang kaugalingong negosyo ginamit ang skills nga nakat-unan.

Ang mga nakahuman hanas na sa mga musunod nga kurso: Service Small Engine System and Components, Automotive Servicing, Plumbing, Carpentry, Masonry, Construction Painting, DOMRAC, Electricals, Welding, Bread and Pastry, Agri Crops Production, Manicure Pedicure, Foot Spa, Haircut. Gidawat ug gi-kumpirma ni Dr. Remegias G. Timonio, CEO VI, TESDA XI Regl. Dir.Asst. ang mga ngalan sa nakahuman.

Ang skills training sa mga estudyante gisugdan niadtong Marso hangtud Hulyo, 2015. Tumong sa maong programa mao ang paghatag ug igong kahanas ngadto sa mga niapil aron sa ilang kauswagan sa ilang panginabuhian. (Dolores Presbitero | SFAP-Maa PSAM Coordinator)