‘Unmasking the Path to Holiness’

Ang mga kabatan-onan gikan sa mga GKKs sa Immaculate Conception of Mary Quasi-Parish sa Diyosesis sa Tagum naghatag ug pagtahod sa mga santos sa tibook kalibutan, niadtong Oktobre 31 isip kulminasyon sa bulan sa rosaryo. Pinaagi sa aktibidad, mas mahibaw-an pa sa matag sakop sa mga GKK ang kinabuhi sa ilang mga patron. Nahibaw-an sab ang mga hiyas nganong sila nadeklarang balaan.

Matud pa sa usa ka opisyal sa ilang Diocesan Youth Apostolate, upat ang tumong sa programa: pagtukod ug pagtoo nga maoy makapalig-on kanila diha sa Ginoo; panaghiusa sa ilang gustong ipadayag nga mensahe, paglaum nga ang mga kabatan-onan ang mudasig sa pag-apil sa mga aktibidades sa simbahan; ug pakig-ambitay nga gikinahanglan gayud sa usa ka komunidad.”Kining 4 ka pondasyon angay timan-an sa mga batan-on aron magkahiusa,” sumala pa niya.

‘Unmasking the Path to Holiness,’ ang tema sa maong aktibidad. (La Paloma Mensajera [The Messenger Dove])