The Marian Movement of Priests

Nakilala ko si Perla Lulo ng San Roque GKK, Bajada, Davao City pagkatapos ng misa sa kapiyestahan ng Mary Mediatrix Cathedral, Digos kamakailan. Dumalo siya sa piging at bilang miyembro ng Marian Movement of Priests (MMP), nakiisa din siya at ang iba pa niyang kasamahan sa ginanap na Launching ng Dogmatization ng Mary Mediatrix. Matatandaang idineklara na itong dogma noong September 12 sa Pista ng Pagpakita ni Maria sa Lipa, Batangas.

Sa aking panayam, ang kanyang amo ang naging daan upang siya ay naging kasapi ng samahan. Pagdarasal ng rosaryo araw-araw at pagsisimba ang naging lakas niya upang maging makabuluhan ang kanyang buhay. “Nabibigyan ng madaliang solusyon ang aking mga problema kapag ako ay nagdarasal ng rosaryo; dati may anxiety attack din ako,” sambit ni Perla. Ibinahagi din ni Perla na hindi lang dahil mas madali ang pagsagot sa dasal ang rason kung bakit siya sumasali ng Senakulo kasama ang iba pa sa opisina ni Indai Banquerigo sa may Roxas, Davao City kada Huwebes. “Peaceful din ang aming pamumuhay kasama ng aking pamilya.”

Kung ikaw ay interesadong maging kabahagi ng MMP, maaring makontak si Indai sa 0922-830-7740. ‘Til next kwentuhan higala!