Plano sa Media Apostolate, aprubado sa BOT

Human ang kapin 10 ka mga meetings ug mga consultations, giaprubahan niadtong June 14 sa Davao Verbum Dei Media Foundation, Inc. Board of Trustees ang Mid-Year Plan nga gimugna sa pito ka ministriya.

Nagkahiusa ang mga Davao Catholic Herald staff ug ang mga volunteers aron mas mapalambo pa ang mga tahas sa naasoy’ng media apostolate sa simbahan sa Davao.

Ministry 1: Planning and Monitoring

Nanghinaut ang grupo nga madugangagan pa ang mangapil sa Internship Program sa Davao Catholic Herald ug sa Volunteers’ Program.  Buot usab nila nga mapalambo dili lang ang mga skills sa media apostolate kundili usab ang ispiritwal nga kinabuhi nila. Kada volunteer, mamahimong mahatagan sa nagkadaiyang training ug mga recollections.

Ministry 2: Research and Database Ministry

Buot humanon sa grupo ang Feasibility Study (FS) sa posibleng pag abli sa radyo sa simbahan.  Gipresenta na sa BOT ang unang bahin.

Nagapadayon usab ang 1st Media Survey nga gipahigayon sukad pa sa miaging tuig.  Gikan pa sa Catholic Media Network (CMN) ang survey questionnaire nga gigamit aron mas makuha ang pulso sa Dabawenyo kabahin sa ilang kasinatian sa midya. Kini usab nakatabang sa FS.

Ministry 3: Training and Support Services

Beynte (20) na ka modules ang ginarebisa karon human mapadagan ang Media Baby ka ba? Church Media Literacy Caravan sa kapin 20 ka mga pundok gikan sa mga parokya sa Tagakpan, Calinan, Lasang, Buhangin ug Mandug, sa mga pastoral agencies sama sa DAYCA, government agencies sama sa OWWA, private entities sama sa Royal Mandaya Hotel, ug schools sama sa Caveat Emptor (HCDC) ug AB English Dep’t sa UM.

Ministry 4: Coordination and Networking

Balik-GKK Program ang highlight sa maong komitiba.  Padayon na nga ginahimo angMechanics aron mas matabangan ang media apostolate ug aron usab matabangan ang mga proyekto sa mga GKKs.  Sa pagkakaron, kapin 1,600 na ang mga kapilya sa atong Arkidyosesis.

Ministry 5: Social Media Ministry

Ug tungod kay misulod naman kita sa world wide web era, kabahin sa mga ministriya ang Social Media. Kining dose ka mga volunteers sa komitiba ang responsable sa pagbag-o ug pagpanindot sa website, twitter, google plus ug twitter accounts sa Davao Catholic Herald.

Kung sa milabay’ng tuig, 500 Likes ang nasinati online, sa tulo ka semana lang, kapin 500 na ang mi-Like sa bag-ong FB page.  Kini nagpasabot nga mas daghan na ang maabot sa atong balita online.

Nanghinaut usab nga makatabang sa apostolado ang 1st Social Media Conference karong Hulyo 27, Finster Auditorium, ADDU.

Ministry 6: Sales, Marketing and Promotions 

Ang advertisements, pledges, donations daku’g natabang sa pagpadayon sa pag-publishsa atong newspaper ug sa mga programa sa social communications and mass media office.  Busa ang grupo nagpanday usab ug plano aron mas madoble pa ang number of supporters niini.

Ministry 7: Editorial Ministry

Dili makumpleto ang ministriya kung wala ang mutan-aw sa sulod (content) sa newspaper. Ang editorial team nga naga-meeting kada bulan responsable sa pagpalambo sa balasahon base sa mga sugyot ug panginahanglan sa atong mga readers ug katawhan hilabina diha sa GKKs sama sa reflections sa gospel alang sa mga PSL nga magamit sa mga Kasaulogan sa Pulong (KSP).

Atangi ang daghan pang updates sa musunod nga mga issues.  Salamat sa suporta! (@dcherald)