Firefighting Training Gipahigayon

Ang Firefighting Training nga giapilan sa 64 ka mga Pangulo sa Liturhiya (PSL) gipahigayon sa St. Mary of the Perpetual Rosary Parish niadtong Septembre 13. Kining maong seminar usa sa mga nagapadayon nga programa sa Parish Social Action Ministry (PSAM). Ang katuyuan o tumong niining kalihukan mao ang pagpalig-on sa Parish Disaster Action Response Team (PDART) ug pagmugna sa usa ka lig-on usab nga GKK Emergency Response Team (GERT).

Human ang lecture, gipahigayon ang practicum kon unsaon pagpakgang sa kalayo ug paggamit sa mga kahimanan niini, evacuation, traffic, ug uban pa. Matud pa nga ang tagsa-tagsa, adunay kaugalingong gimbuhaton kon adunay sunog, sama sa pagmando sa trapiko kinsa maoy usa ka butang nga bililhon aron dili malangan ang pagpakgang sa kalayo.

Nagmalampuson ang maong firefighting training seminar sa panabang ni Mr. Prime V. Cruz ug sa kura paroko, Rev. Fr. Jess Samaniego. (Naldz Villodres | Hermie Mapute)