May Pakialam Kami

Tulo ka batan-on, na bored. Mikuha ug video, mi-acting, ug sa dihang hapit na 1 million ang views niini sa YouTube. Sa pagpangutana nganong nahimo nila kini, ang tubag nila mao: “Wala lang po kaming magawa.” Sila ang nailhan nga “Pabebe Warriors.” Sila ang mga batan-ong nisikat tungod sa linyang “Wala kayong pakialam sa amin!”

Gumikan sa teknolohiya, mas daghan nang batan-on karon ang pilion na lamang ang mutago sa k’warto ug magdula ug Clash of Clans kesa manggilabot sa mga butang nga unta makapalambo kanila. Kini hagit sa mga lideres sa mga GKK kon Pangulo sa Batan-on (PSB). Salamat sa San Miguel Parish Soccom Rusty Corsame sa kwentong ito.

Ang mga Pangulo sa Batan-on sa San Miguel Parish-Panacan ubos sa paggiya ni Alma Nina Olaer milantaw sa panginahanglan sa uban. Bisan pa man sa kalinghod sa pangidaron, ilang gibisita ang mga bata sa orphanage sa Tugbok, niadtong Agosto 9. Human maplano ang tanan, mibisita sila sa community aron tabangan ang mga kabataan didto. Gipili nila kini una tungod kay wala kaayo kini mga sponsors gikan sa pribado ug publiko nga organisasyon. Ikaduha, aron makasinati ang mga batan-on sa kinabuhi sulod sa orphanage. “Kini aron maamguhan nila nga luyo sa nagkadaiya nilang kahimtang, gipili gihapon nila nga mabuhi,” matud pa ni Alma.

Dugang pa niya, “Dayag kaayo sa dagway sa mga bata ang kalipay sa dihang nakita nila ang presensya sa mga kabatan-onan nga mibisita kanila, nagpakaon, naghatag ug mga gamit sa eskwelahan, ug nagpalingaw nila. Una pa man kini nahitabo, gipulong na ang mga ministriya ug nadesisyunan nga ang fund-raising mao ang “May Pera sa Basura.” Padaghanay og basura, padaghanay usab ug kwarta nga mahatag ang nahitabo kada sona. Gipadala usab ang mga batan-on ug mga gamit sa eskwelahan isip dugang kontribusyon sa ilang pagahimuon nga aktibidad. “Wala kini nahimong malampuson kung wala misuporta ang matag batan-on. Ato gayod paninguhaon nga unahon ang mga butang nga labing makapahimuot sa Diyos inay magpasikat or magpa-impress lang sa mga tawo. Seek ye first the kingdom of God.”