Pangulo sa Katilingban (PSK)

Maningkamut ang inyong KNOT nga sa padayon nga pagpasabot sa unod sa GKK Guidelines and Norms (2014) sa nagkadaiyang parokya sa Artsidiyosesis sa Dabaw, makakalap sab kita ug mga kasinatian nga muhaum sa naasoy nga katungdanan. Atong sugdan sa usa ka pangulo gikan sa Sagrada Corazon de Maria ubos sa Sto. Rosario Parish nga nagsaulog sa ika-104 ka tuig sa niaging bulan.

Siya ang naghupot sa kinatas-an posisyon sa katilingban. Apan kay simbahanon man, siya usab alagad sa tanan.

PANGULO SA KATILINGBAN (PSK)
Role: The overall facilitator, coordinator and animator of the GKK.
Functions:

• facilitates the faith-life growth of the GKK;
• coordinates with the other GKK leaders in handling GKK activities;
• presides over GKK meetings;
• links with other PSKs in their Zone;
• networks with the local government units and civil society groups (Non-government Organizations (NGO) and Peoples Organizations (PO).
• signs the Information Data Sheet (IDS) form.

Dear KNOT,

Ako si Patrocinia Hermosisima, 52 anyos. Ang akong gisundan isip PSK mao ang akong igsoon.

Abi nako meeting lang kadto. Human naman gud ang among ika-100 nga pista three years ago, sa dihang election diay. Paspas ang paglabay sa panahon.

Mao na diay ni akong ikaupat nga tuig isip PSK.

Sa bag-ong GKK norms, kabalo ko, tulo ra jud ka tuig kutob ang pagka PSK.

Pero ok ra. Malipayon ko kay sa akong panahon, nahitabo nga si Abp. Valles mismo ang nagmisa sa among pista niadtong Hunyo.

Mahinumdum ko nga madunggan pa nako ang mga nagapalo-palo sa mga nanglaba duol sa among kapilya. Poso pay gamit. Gamay pa ang among kapilya. Sa hinay-hinay napadak-an kini niadtong 1990s.

Bibo among pista dinhi, naa mi Sugba Festival. Taas kaayo ang linya kay daghan nagaapil ug sugba sa kalsada. Naa pud mi Zumba Street Party. Napatarpaulin pud namo ang among History. Gi-collage namo ang mga photos. Panghinaut lang nako nga magpadayon ang kadaghan sa manambong maski human na ang pista. Naa sab mi Sagrada Corazon Mortuary Aid diri. Lipay pud ko, 238 out of 250 ang nagpamiyembro. Naa puy tigkolekta. Giupdate pud ang guidelines. Hatag mi ug P20 kada naay mamatay.

Daghan ko ug struggles nga naagian isip pangulo. Naay higayon nga ako nalang ang mag unay ug panilhig sa kapilya. Sige mi ug bagting apan wa juy manuol. Mangutana pa jud, “Naay misa Tring, nanilhig lagi ka?” Sakit pud usahay. Ang bulak walay bubo. Usahay magformation mi sa kaubanang PSK, akong gina-share nga sa pagpangalagad isip pangulo, naay higayon nga “katabang” jud ang mahitabo.

Maayo nalang pud kay supportive akong pamilya. Ako silang ginaguyod sa kapilya aron makatabang.

Ga rosary gyud mi diri bag-o mag Kasaulogan sa Pulong kada Sabado sa alas 3 sa hapon. Apil jud sa among pangaliya nga mas managhan pa ang magserbisyo sa kapilya. Sa karon, ginatabangan namo ang parokya sa fund-raising campaigns hilabi na sa parish hall construction. Among ginasuyod ang mga balay sa pagkolekta ug pledge. Makatabang gyud pud kung muabli ang Katolikong radyo. Kung naay announcement, di na mi magbalay-balay, at least makapaminaw sila. Usahay makaingon ko sa akong kaugalingon, paita pud aning mangalagad uy. Apan ang akong sekreto — pasensya jud ug pag-ampo.

******

Salamat Ate Pat. Til next kwentuhan higala!