25c para sa Radyo ko

ANG Parokya sa San Antonio de Padua (Agdao) misalmot sa programa sa Archdiocese sa Davao diha sa pagbuhi sa DXGN-SPIRIT FM pinaagi sa paglunsad sa DXGN DAVAO “25 Centavo para sa Radyo ko, Pakaylapon ang Pagtoo,” diha sa Parish Leaders’ General Assembly niadtong April 25, 2015.

Ang mga lideres sa nagkalain-laing ministriya madasigong midawat sa kaakuhan sa pagtabang. Usa ka gatos ka “stickers” nga naay sulat, “The Best 89.9 SPIRIT FM SAMA-SAMA TOGETHER, ALWAYS AND FOREVER DXGN-DAVAO .25 PARA SA RADYO” ang gipang apod-apod sa matag GKK pinaagi sa mga PSK zone coordinators. Kini nga sticker ipilit sa plastic bottle aron mamahimong sudlanan sa matigom nga mga .25 sentimos.

Karong mga panahona, ang mga botelya naglibot-libot sa mga GKK nga mamahimong timaan sa Kristohanong pag-inambitay sa mga parokyano sa San Antonio de Padua. (SAP SocCom)