Ang Pulong ‘Katoliko’

ANG Pulong Katoliko o Catholic gikan sa orihinal nga pinulongan nga griyego nga καθόλου (katholou), katholos nga buot pasabot universal o makaylapon, para sa tanan, tibuok kalibutan.

Usa kini ka termino nga gigamit sa pag-ila ug timaan sa Simbahan nga gitukod ni Hesukristo (cf. CCC par. 830 ug Mateo 16:18, 28:19-20, Roma 1:8-9). Una kining gigamit ni San Ignacio sa Antioch sa unang siglo o 1st century (110 A.D.) aron maila ang iya ni Kristo sa uban nga pundok nga nagdala usab sa ngalan ni Ginoong Hesukristo.

Ang Simbahan isip lawas ni Kristo (cf. Colosas 1:18 ug Efeso 5:23), dili limitado sa usa lamang ka lugar o panahon, rasa ug kultura kondili kini para sa tanan ug kinatibuk-an mao nga gitawag ug Katoliko ang Simbahang nga iya ni Kristo.

Maingon usab ang Simbahan pagatawgon ug Katoliko tungod si Ginoong Hesukristo anaa gayud niini “Where there is Christ Jesus, there is the Catholic Church” (CCC 830). “Kon asa si Kristo , anaa usab ang Simbahang Katoliko”. Dinhi nato makuha ang kinatibuk-ang kaluwasan para sa tanang katawhan sa Dios (cf. Efeso 5:23).

Kay ang Katoliko mao ang ikatulo nga timaan sa matuod nga Simbahan nga gitukod ni Ginoong Hesukristo (One, Holy, Catholic and Apostolic Church). Sa Dihang gitukod ni Kristo ang iyang Simbahan (cf. Mateo 16:18), gimbut-an niya kini nga mokaylap sa tanang kanasuran sa tibuok kalibutan (cf. Mateo 28:19-20), kay gitinguha sa Dios nga “ang tanang tawo maluwas ug makabaton sa kamatuoran” 1 Timoteo 2:4.

Mao nga ang Simbahan nga iyang gipundar ug giulaan niya sa iyang kaugalingon nga bililhong dugo (cf. Buhat 20:28), angayan lamang nga pagatawgon og Katoliko o makaylapon, tibuok kalibutan ug para sa tanan.

Gani gikan sa una hangtud karon nga giwali ni Kristo ug sa iyang mga Apostoles nadawat nato ang kamatuoran pinaagi sa Simbahang Katoliko. “The term has been incorporated into the name of the largest Christian communion, the Catholic Church (also called the Roman Catholic Church)”. “The Church is catholic: she proclaims the fullness of the faith. She bears in herself and administers the totality of the means of salvation. She is sent out to all peoples. She speaks to all men. She encompasses all times. She is missionary of her very nature” (CCC 868, AG 2).