Archdiocesan Nourishment Center: Pagpakaon sa kabus, usa na ka tuig

SUKAD niadtong Mayo 19, 2014, naangkon sa anam-anam ang katuyoan sa Archdiocesan Nourishment Center (ANC) nga hatagan ug pagtagad ang mga panginahanglan sa kabus, sama sa espirituhanong pormasyon, medikal ug pagkaon.

Matag adlaw, sulod sa ilang sentro nga nahimutang sa Mother Teresa, Pag-asa St., Fatima Building, Davao City, ginapakaon og ginatudluan ang mga kabus nga mga bata. Ang presensya sa kapilya nakahatag ug higayon kanila nga bisitahon si Hesus diha sa Balaang Sakramento.

Ubos sa pagdumala sa Archdiocesan Council of the Lay Apostolate and Integrated Movements (ACLAIM), kini isip tubag sa hagit sa tuig sa mga layko nga gideklara sa Catholic Bishop’s Conference of the Philippines (CBCP).

Usa ka benipisaryo ang nagpasalamat sa dakung tabang nga gihatag sa ANC kaniya ug sa iyang pamilya. Nasinati nila ang paglaom tungod niini.

Sa pakighinabi sa DC Herald sa ACLAIM Spiritual Director Msgr. Paul Cuison, matud niya ang balay mao ang daang pinuy-anan sa sisters sa Missionaries of Charity. Dinhi usab nakatulog ang founder nga si Mother Teresa sa iyang pagbisita sa Davao City tulo ka dekada na ang milabay.

“We also build the center to be along the spirit of Mother Teresa and Pope Francis as our inspiration to put up a feeding center and for the poor so the inspiration where to put the holy people. This is ACLAIM’s project. The beneficiaries are the malnourished children. Parents also undergo formation. It is not just feeding, but also for medical intervention for the parents.”

Aron mulahutay ang programa, padayon nga suportang ispiritwal, moral ug pinansyal ang gikinahanglan. Ang mga layko sa Dabaw hugot usab ang pagpangingkamut aron mas makatabang pa sa mga kabus ug timawa. (Kryssha Nismal)