SMI gipasabot ang bili sa panerbisyo

GIPAHIGAYON sa Squirettes of Mary Immaculate (SMI) ang ilang 15th Biennial Convention niadtong Mayo 16-18, 2015 sa D’Leonor Inland Resort and Adventure Park, Purok 5, Barangay Communal Cabantian, Buhangin, Davao City.

Nagkahiusa ug nagkatigom ang mga miyembro sa SMI gikan sa nagkalain-laing lugar sa Luzon, Visayas ug Mindanao.

Pinaagi sa gihimo nga team building, talk ug mensahe nga gihatag nila Dr. Gloria Labor, Rev. Fr. Jeronimo Ma. Jose Cruz (DMI International Chaplain), og Atty. Rebecca Conge-Pacanan (DMI International Regent), mas napasabot kung unsa gayod ang bili sa maong grupo sa simbahan ug sa katawhan. Sumala ni Atty. Pacanan, kauban si Maria ug subay sa homiliya ni Santo Papa Francisco, atong ilhon, mahalon ug serbisyuhan ang Ginoo.

Ang mga opisyales sa SMI mianunsiyo nga ang musunod nga Biennial Convention mahitabo sa Tacloban o Cebu City. Ilang gipasalamatan ang mga opisyales sa pagtambong sa panagtapok. (Karylle Failma | Malita Correspondent)