Parokya sa San Isidro miduyog sa kabus

ANG mga parokyano sa San Isidro Labrador sa Diocese sa Digos nagselebrar sa ika-35 niini nga kapistahan, Mayo 15 sa kasamtangang tuig. Human sa siyam ka adlaw nga nobena, aduna usab mga presentasyon ug padula nga giapilan sa mga bata, batan-on, ug hamtong kada sona sa mismong adlaw sa pista.

Subay sa konseptong “Duyog-kalipay uban kang San Isidro Labrador niining Tuig sa mga Kabus,” ang parokya miimbita ug 10 ka kabus gikan sa 45 ka Gagmay’ng Kristohanong Katilingban (GKKs). Sila gilingaw sa mga presentasyon human gipakaon.

Nanghinaut ang usa ka parokyano nga si Alex Linao nga mas daghan pang batan-on ang muaktibo sa Simbahan, tungod kay mas daghan ang mga hamtong nga miaktibo sa pista karong tuiga.

Mapasalamaton ang nangulo sa pista nga sila Rev. Fr. Cornelio B. Toraja, DCD, Rev. Fr. Roberto Lagos, DCD, Rev. Fr. Joselyno Gallopin, DCD, Rev. Fr. Erick Parantay, DCD, Dr. Fermin Verallo ug tanang committee chairpersons sa tanan nga nahimong kabahin sa kasaulogan. (TEAM SAN ISIDRO Janin, Edel, Jovelle, Ryan, Jofaye, Remby)