Batan-on sa San Roque nakat-on sa camp

MALAMPUSON ang upat ka adlaw nga summer youth camp sa San Roque Parish, Malabog. Kini ang kinaunhang Youth Camp, nga nahitabo sulod sa upat ka adlaw nga giapilan ug 342 ka mga batan-on gikan sa mga GKKs.

Ang Camp gisugdan sa Bonfire Ceremony, Animations ug “Rigodon” aron magkailhanay ang tanan. Gawas sa kahibalo sa Ginoo, tumong usab niini nga makahibalo ang batan-on sa mga isyu. Busa adunay talks gikan City Social Services and Development Office (CSSDO) og Philippine Army. Ang mga talks nila Aileen Contiveros, Rev. Raul Nieves, ug Fr. Ronald Arcillas nakapadasig sa batan-on nga mahimong disipulo ug sumusunod ni Kristo. Ang “Laro ng Lahi,” Amazing Race, volleyball og basketball nagpakita sa kabaskug ug kooperasyon sa matag miyembro sa sona. Malipayon ang mga kabatan-onan nga nakaapil hilabi na ang kura paroko ug mga nagpaluyo niini. Daghan sila’g natun-an nga pwede kaayo nilang ipaambit sa ilang mga miyembro sa GKK. (Janvincent Novo)