Panawduaw alang sa canonization sa K of C founder

Ang Mindanao Knights of Columbus, sa pagpangulo sa State Deputy Balbino C. Fauni, gipangulohan ang mga pamilya sa pag-enthrone sa imahe sa founder sa Knights of Columbus nga si Venerable Fr. Michael J. McGivney dinhi sa mga parokya sa Archdiocese of Davao.

Kini gihimo aron mapaspas ang canonization ni Fr. McGivney pinaagi sa pag-ampo alang sa divine intervention ug gipangayo ni MD Fauni ang pagtugot ni Abp. Romulo G. Valles nga mabutang ang imahe ni Fr. McGivney sa 34 ka parokya sa archdiocese.

Ang panaw-duaw gisugdan niadtong Mayo 28 sa San Pedro Cathedral pinaagi sa misa nga gipangulohan ni Fr. Glenn Yba. Gitambongan ang misa sa mga District Deputies, ubang opisyales sa K of C kauban ang ilang mga pamilya ug State Officers nga gipangulohan ni MD Fauni nga maoy naghatag sa inspirational talk mahitungod sa kinabuhi ni Fr. McGivney.

Ang imahe nga four feet ang katas-on nagpabilin sa cathedral alang sa nightly vigils hangtud niadtong Hunyo 2 ug kini dalaon sa ubang parokya ug mao kini ang schedule:

St. Joseph the Worker – June 3-5, Our Mother of Perpetual  Help – 6-8, Our Lady of Assumption – 9-11, St. Jude Thaddeus – 12-14, Sta. Ana Shrine – 15-17, Sacred Heart of Jesus – 18-20, San Antonio de Padua – 21-24, Mary of the Perpetual Rosary – 25-27, San Alfonso Ma. Liguori – 28-30, San Pablo – July 1-3, Ascencion of the Lord – 4-6, St. Francis of Assisi – 7-9, Our Lady of Lourdes – 10-12, San Isidro Labrador – 13-15, San Lorenzo Ruiz – 16-18, Sto. Rosario – 19-21, Immaculate Conception – 22-24, Holy Family (Baliok), San Lorenzo Ruiz (Dumoy) – 25-27, Sacred Heart of Jesus (Calinan) – 28-30, Mary Help of Christian – July 31-Aug. 2, San Francisco de Asis – 3-5, San Miguel (Datu Salomay) – 6-8. San Miguel (Panacan) – 9-11, St. Francis Xavier – 12-14, St. James the Apostle – 15-17, St. John the Baptist – 18-20, Virgen Dolorosa – 21-23, Sto. Nino – 24-26 and Immaculate Conception(Penaplata) – 27-29.

Gikan sa DavaoCity, magpadayon ang panaw-duaw sa Davao del Sur, South Cotabato, ug sa ubang bahin sa Mindanao.

Si Fr. Gabriel B. O’Donnell, O.P., Vice Postulator for the cause for Sainthood of Fr. McGivney nagmantala nga ang katingalahang mga panghitabo, pag-ayo ug uban pang gipangayo nadawat pinaagi sa intercession ni Fr. McGivney.

“One approved miracle is needed for beatification, and another approved miracle is necessary for the final stage of canonization and Sainthood,” sumala sa Supreme Knight Carl A. Anderson. (With reports from H.J. Jordan, KC State Office)

by Rolando C. Quidilla  / Contributor