St. Vincent Ferrer 62nd Parochial Fiesta (Mati Newsbits)

St. Vincent Ferrer 62nd Parochial Fiesta

Gisaulog niadtong Abril 27, ang ika-62 nga fiesta parokyal sa simbahan ni San Vicente Ferrer sa Lupon, Davao Oriental, ubos sa tema nga “Bulahan ang miila nga sila kabus sa mga butang nga espirituhanon kay maangkon nila ang paghari sa Dios” (Mt. 5:3).

Sa maong adlaw gihimo ang procession alas 4:00 sa kaadlawon, sama sa oras sa mga Novena prayers and Masses, unya sa alas 9:00AM gihalad ang Concelebrated Fiesta Mass nga gipangunahan ni Apostolic Administrator ug kanhi Kura Paroko Fr. Edito S. Baño, kauban usab si Obispo Emeritus Patricio H. Alo ug mga kaparian sa diyosesis sa Mati.

Bisperas sa fiesta, Abril 26 sa gabii, gibenditahan ni Bishop Alo ang six-storey Bell Tower sa pag-assist usab kaniya sa bell-anointing ni Fr. Noel Cañizares, kura paroko sa Cortes, Bohol, nga higala ni Fr. Ricardo D. Siblos, kura paroko sa Lupon, atubangan sa mga nagtapok nga parokyano.

Unya nadungog ang tin-aw nga tunog sa dakong kampana nga naggikan sa Holland/The Netherlands. Sa iyang panalangin sa panihapon, gipasalamatan usab sa obispo ang katawhan sa ilang dakong kakugi ug kooperasyon sa pag-abaga sa tibuok galastuson sa pagtukod sa kampanaryo nga magsilbi usab nga timaan sa presensya sa Diyos, labi na sa pagbutang usab sa dako nga Krus nga asul sa kinatuktukan niini.

Dugang kasadya usab ang nasinati sa katawhan sa gipasundayag nga Konsyerto ng Bayan sa Municipal Gym, nga nagsalida kang The Voice Finalist gikan sa Antipolo City—Darryl Shy, lakip usab sa lokal nga banda ug sa “Singing Priests of Mati.” Samtang sa Abril 25, sabado, parish night, gi-prisinta ang 13 ka mga kandidata sa Mutya ng Parokya 2015 gikan sa 15 nga mga sona, ug ang midaog mao si Leah Mae Baguio gikan sa Zone 6, kang kinsa usab gitunol ang korona ug setro ni 2014 Mutya Dinah Grace Cabantao. Maabi-abihon usab sa ilahang presensiya ang duha ka parochial vicars: Fr. Jacinto “Dodong” L. Ortiza ug Fr. Ronie B. Orellanida.

Thanksgiving for 29th Sacerdotal Anniversary

Ika-29 nga Sacerdotal anniversary ang mapasalamatong gisaulog ni parish administrator sa St. Francis Xavier Church, Manay, Davao Oriental, Fr. Manuel “Mawee” C. Trocio, niadtong Abril 22, 2015.

Human sa iyang Concelebrated Thanksgiving Mass alas 10:00AM sa simbahan, gigamit ni Fr. Mawee ang higayon sa paniudto didto sa Lantaw Formation Center sa paghimog powerpoint presentation sa iyang proposed Parish Church Construction Building Plan.

Aduna say mga pasundayag ug mga mensahe nga gitanyag sa mga dinapit nga bisita. Si Fr. Mawee natawo sa Asturias, Cebu niadtong Agosto 19, 1960, ug nidako ug nag-eskwela sa San Isidro ug Lupon, Davao Oriental, ug human sa iyang pagtuon sa Teolohiya sa SFX Regional Major Seminary sa Davao City, gi-ordinahan siya nga pari sa 1986 ni Most Rev. Patricio H. Alo, sa San Isidro Labrador Parish Church. Nadestino siya sa mga parokya sa Cateel, Banaybanay, Lambajon, Mati, San Isidro, ug kasamtangan sa Manay, ug nag-alagad usab isip hospital chaplain sa VRP Medical Center, Mandaluyong City, ug sa Guam Memorial Hospital, USA (2008-2011).

Glimpse of Mandaya Culture

Have a glimpse of Mandaya culture this summer vacation. Visit KAMUNAAN display exhibit of original Mandaya arts, crafts, history, etc. and taste some native delicacies. Souvenir items are available and may be ordered at the Kamunaan Center beside the Aquino Law Office at Madang, Mati City. (Atty. Al Aquino)

(Sr. Marietta Alo, OND & L. Mahumot)