Katolikong Papel, padayon nga panindoton

Gipahigayon ang Davao Catholic Herald Editorial team planning niadtong Hulyo 2014.

Damgo sa DC Herald team nga ang nag inusarang Katolikong papel sa Dabaw, makanaug pa hilabi na sa mga GKKs, eskwelahan ug gawas sa pundok gawas sa Simbahan.

Sa gipahigayong media survey sulod sa duha ka tuig, ang mga sugyot sama sa pagdungag ug mga faith-life experiences, balita sa parokya, pastoral agencies, lay movements ug mga istorya kabahin sa mga religious congregations, hinay hinay nang gisugdan.

Makita sa isyu karon, ang pipila ka mga dugang nga mga artikulo ug kabag-uhan sa page make-up kon layout. Mabasa usab sa musunod nga mga semana ang media apostolate updates labi ang sa radyo DXGN Spirit FM, movie review, katikaran sa mga ahensiya sa simbahan, kinabuhi sa mga relihiyoso, saints and blessed, youth corner, ug uban pa.

Ug kay gikahinaman man nga ang DC Herald mamahimong DADITAMA news magazine, pipila ka semana sugod karon, mabasa na usab ang balita gikan sa Dioceses sa Tagum, Digos ug Mati.

Nanghinaut ang team nga mas daghan pa ang mutabang aron mas mapalapnag pa ang pagpakaylap sa Maayong Balita dinhi ug sa gawas sa syudad.