Pag abli sa Radyo Gikinahanglan sa Kabus

Si Mang Anastacio Abrantes, 77 anyos, gikan San Pedro Cathedral nagasalig ug nagaampo nga adunay maayong kasing-kasing ang mutabang kaniya matag adlaw.

Usa ka amahan ug asawa sa masakiton, adlaw-adlaw nagapangita siya ug pamaagi aron manawagan ug tambal alang sa iyang asthma ug rayuma sa iyang asawa. Nanghinaut siya nga unta magka-pedicab na ang iyang naglisud pung anak aron dili na siya mularoy pa.

Siya usa lamang sa 1.4M Katoliko nga lumulupyo sa Arkidyosesis sa Dabaw. Gamay lang ang nakahibalo sa iyahang istorya apan kung mas daghan lang unta ang nakadungog, mas matabangan pa unta siya.

Sa pagsaulog sa Tuig sa Kabus, sa radyo adunay gahum sa pagsibya dili lamang ang musika apan sa panawagan usab. Aduna nay 29,000 views ang website, ug halos 4,000 subscribers ang newspaper, apan mas maayo kon maablihan usab ang radyo aron mas daghan pa ang makapaminaw sa mga pagtolun-an sa Simbahan. Samtang wala pa maabli ang DXGN FM, magpadayon sa si Mang Anastacio, kanhing drayber, tindero ug mag uuma, sa iyang paglakaw aron sa pagpangayo ug hinabang adlaw adlaw. Sa iyang edad karon, ang ampo ni Mang Anastacio nga unta tagaan pa siya ug kabaskog sa lawas. Salamat sa mga una nang mingtunol ug hinabang sama sa bugas ug tambal. (Janin R. Langoy)