Media Baby ka Ba? workshop gipahigayon

Mga hamtong ug batan-on sa St. Francis of Assisi Parish sa Maa, Davao City nagkasinabot ug nagkahiusa aron sa pagtambong sa gipahigayong Media Baby ka Ba? workshop nga gipahigayon sa Davao Catholic Herald.

Niadtong Nobyembre 15, malampusong napahigayon ang journalism and social media workshop sa Maa Parish nga gitambongan sa kapin 30 nga mga layko sa parokya.

Sumala sa mga organizers, gilantaw nila nga makahimo sila sa kaugalingon nilang parish newsletter.
Gitun-an sa mga layko ang mga paagi sa pagsulat og balita ug pag-dokumento sa mga panghitabo sa parokya nga naay kalambigitan sa ilang pagtoo.

Gawas niana, gihimo usab nila ang pagsulat sa ilang mga kasinatian isip magtotoo ug gikan sa ilang mga gisulat nga kasinatian, gipili ang best write-up nga i-publish sa Kwento ng Ordinaryong Tao (KNOT), usa sa mga features section sa DCHerald.

Nasayran usab sa mga partisipante ang mga maayong mabuhat sa social media sa pagsangyaw sa pagtoo gamit ang internet. Kahinumduman nga ang DCHerald migamit usab sa social media aron mas makaab-ot ang kadaghanan sa mga katoliko pinaagi sa mga artikulo nga naghisgot sa mga panghitabo sa simbahan.

Malipayon ang DCHerald nga napahigayon ang maong kalihukan samtang dako usab ang kalipay sa mga layko sa Maa Parish nga mitambong sa Media Baby ka Ba? (@johnfrancesf)