Asa man gisaulog ang liturhiya?

P: Nagkinahanglan ba ang Simbahan og mga dapit aron pagsaulog sa liturhiya?

T: Ang pagsimba “sa espiritu ug kamatuoran” (Juan 4:24) sa Bago-o nga KAsabotan wala mahigot sa usa ka dapit sa walay-paglakip sa uban, tungod kay si Cristo man ang tinuod nga templo sa Dios. Pinaagi kaniya ang mga Kristiyano ug ang tibuok Simbahan nangahimo nga templo sa buhi nga Dios pinaagi sa lihok sa Espiritu Santo. Hinuon ang katwahan sa Dios sa ilang yutan-ong kahimtang nagkinahanglan og mga dapit diin ang katilingban makatigm pagsaulog sa liturhiya.

P: Unsa man ang mga sagradong gambalay?

T: Kini mga balay sa Dios, simbolo sa Simbahan nga nagapuyo nianang dapita ug ingon man sa langitnong Jerusalem. Labaw sa tanan mga dapit kini sila sa pag-ampo diin ang Simbahan nagasaulog sa Eyukaristiya ug nagasimba kang Cristo nga tinuod gayod anaa sa tabernakulo.

P: Unsa man ang mga pinalabing dapit sulod sa mga sagradong gambalay?

T: Kini sila mao: ang altrar, ang tabernakulo, ang dapit diin ang balaan nga Karisma ug uban pang mga balaang lana gitipigan, ang lingkoranan sa Obispo (catedra) o ang lingkoranan sa pari, ang ambo, ang bunyaganan, ug ang kompisalan. (Cf. Kompendiyo sa Katesismo sa Simbahang Katoliko, 244-246)