Kaputian parish naghisgot bahin sa Disaster awareness

Aron mamahimo silang andam sa panahon sa mga kalamidad, ang Sto. Niño Parish sa Kaputian, Island Garden City of Samal (Igacos) nagpahigayon og disaster awareness seminar.

Kauban ang City Disaster Risk Reduction Management Office of Igacos, malampuson nga napahigayon ang maong seminar niadtong Agosto 23, nga gitambongan sa 53 ka mga partisipante nga mga Pangulo sa Alagad ug mga barangay officials nga gikan sa 14 ka mga barangays.

Ang seminar naghisgot sa mga klase-klaseng kalamidad nga hinimo sa kinaiyahan ug sa tawo kon natural ug man-made disasters. Gihisgutan usab kung unsa ang angay buhaton kon adunay kalamidad nga muabot kon disaster management.

“Ipadayon ang commitment ug awareness about natural and man-made disaster dili lang para sa kaugalingon kondili para sa katilingban,” sumala ni Louela Ann Olden ang main resource person sa maong seminar. Kauban usab niya si Ramil Radasa, usa sa mga facilitators.

“Kabahin kini sa plano sa parokya mahitungod sa disaster management nga adunay component sa mitigation, preparedness, response ug rehabilitation,” sumala sa kura paroko nga si Fr. Rico Enriquez.

“Isip simbahan importante nga andam kita sa disaster nga mahitabo both man-made ug natural. Ug makig alayon sa LGU ug barangay,” sumala pa niya.