Sa unsa man nga paagi ginasaulog ang liturhiya?

P: Giunsa man pagsaulog ang liturhiya?

T: Ang kasaulogan sa liturhiya sinalapid sa mga timaan ug mga simbolo kansang kahulogan nakagamot diha sa kamugnaan ug sa tawhanong kultura. Nagambalay kini pinaagi sa mga panghitabo sa Daang Testamento ug napadayag sa hingpit diha sa Persona ug buhat ni Cristo.

P: Diin man gikan ang mga sakramentohanong timaan?

T: May mga nagagikan sa namugna nga mga butang (kahayag, tubig, kalayo, pan, bino, lana); ang uban nagagikan sa katilingbanong kinabuhi (paghugas, pagdihog, pagpikas sa pan). Ang uban pa gayod nagagikan sa kasaysayan sa kaluwasan diha sa Daang Kasabotan (ang mga rito sa Pagsaylo, mga sakripisyo, pagpandong sa mga kamot, mga kongrasyon). Samtang ang uban niining mga timaan, linagda ug dili mausab, gipili ni Cristo, ug nahimong mga tigdala sa iyang makaluwas ug makapabalaan nga lihok.

P: Unsa man ang kadugtongan tali sa mga lihok ug mga pulong diha sa kasaulogan sa mga sakramento?

T: Diha sa kasaulogan sa mga sakramento, hugot kaayo ang pagkadugtong sa mga lihok ug mga pulong. Gani, bisan kon ang mga simbolikanhong lihok mismo sa ilang kaugalingon usa na ka pagpamulong, gikinahanglan nga ang mga pulong sa rito maga-uban ug magahatag og kinabuhi niining maong mga lihok. Ang liturhikanhong mga pulong ug mga lihok, kining duha dili mabulag, sa hinungdan nga sila makahuluganon nga mga timaan ug ilang gihatag ang ulang gitimaan.

(Cf. Kompendiyo sa Katesismo sa Simbahang Katoliko, 236-238)