Misa ng Bayang Pilipino gisaulog sa Dabaw

Sa talagsaong higayon dinhi sa Archdiocese of Davao, gihimo ang Misa ng Bayang Pilipino isip kabahin sa pagsaulog sa 29^th National Meeting of Diocesan Directors of Liturgy (NMDDL).

Sa primer nga gipagawas sa Archdiocesan Liturgical Center (ALC) sa Archdiocese of Davao uban ni Fr. Joel Caasi, Director, giingon nga ang Misa ng Bayang Pilipino usa ka pagsaulog sa Eyukaristiya nga nagapakita sa kultura nga Pilipino pinaagi sa mga elemento, lihok ug linggwahe.

Ang Misa ng Bayang Pilipino pangulohan ni Msgr. Andres Valera didto sa MerGrande Ocean Resort diin gipahigayon ang NMDDL.

Ang maong tradisyon gisugdan sa mga scholars sa Maryhill School of Theology aron mahimo ang inculturated Eucharistic celebration nga Misa ng Bayang Pilipino. Ang maong proyekto gipangulohan ni Fr. Anscar Chupungco, OSB.

Ang maong rito gipresenta ug gipa-aprobahan sa Sacred Congregation for Divine Worship and the Discipline of the Sacraments niadtong August 10, 1976. Ang CBCP mihatag sa ilang hiniusang pagtugot sa gihimong June 1976 meeting bahin sa Misa ng Bayang Pilipino.

Niadtong Disyembre 7, 1979, gisaulog ni Jaime Cardinal Sin ang unang Misa ng Bayang Pilipino sa gipahigayong International Mission Congress sa Manila.

Ikaduha na kining NMDDL sa Archdiocese of Davao human gihimo niadtong September 7 to 10, 1998 ang una didto sa Cursillo House, F. Torres St., Davao City.

Pito ka conferences ang gihimo mahitungod sa liturhiya uban sa tema “Liturgy for Special Groups” ug kini mao ang mosunod:

Liturgy for Special Groups nga gihatag ni Fr. Genaro Diwa, Ecclesiology of BEC ni Bishop George Rimando, Liturgy and BEC na gihatag ni Msgr. Florencio Salvador, Liturgy with Children nga gihatag ni Ms. Noie Surmieda, Liturgy for Transparochial Communities nga gihatag ni Fr. Dennis Soriano, Liturgy for Persons with Disabilities nga gihatag ni Fr. Gil Fernandez ug ang ikapito nga mao ang The New English Translation of the Rite of  Marriage for the Philippines; The New English Translation of the Rite of Confirmation nga gihatag ni Dra. Josefina Manabat.(@johnfrancesf)

—

Posted last August 10, 2014

Updated August 20, 2014