Kaakuhan sa Katilingban

Kitang tanan gitawag sa Ginoo, apan dili ang tanan mitubag sa iyang tawag.

Niadtong Hulyo 20, 2024 ang ochenta’y-dos (82) ka mga Pangulo Sa Liturhiya (PSL) sa treynta (30) ka kapilya nga nahisakop sa San Pedro Cathedral, nangandam alang sa gipahigayon nga usa ka Formation Seminar alang kanila, gihimo kini didto sa Charles Borromeo Retreat House Sa Matina Aplaya.

Ang seminar gipahitabo arun mas molig-on ang ilang pag pagtoo, ang ilang kaaukuhan isip piniyalan, nga naa ang pagkamapaubsanon, malahutayon, ug puno sa gugma diha sa kristohanong pagdumala.

Ang ilang mamumolong mao si Sr. Gem Lucero – usa ka madre ug Piniyalan sa CB Retreat House, nadasig ug maayo ang mga PSL labi na sa pagpaambit panahon sa ilang workshop. Ang ilang mga kasinatian diha sa ilang tagsa-tagsa ka katilingban, nga ilang gialagaran, ang mga kalisdanan ug giunsa nila pag-atubang nga sila milahutay diha sa ilang pagpangalagad isip piniyalan.

Nahuman ang mga pag-paambit sa usa ka proseso ug basi sa ilang nakat-unan andam na usab sila muharong sa mga hagit diha sa ilang pagpangalagad nga puno sa kadasig ug kalipay. Natapos kini sa usa ka Santos nga Misa nga gipanguluhan ni Fr. Allarey Abella, malipayon usab ang maong pari nga nahimamat niya ug nahinabi sa mga PSL. (Rosalinda C Jabonillo | Parish SocCom, San Pedro Cathedral Parish)