She is our mother

Gisaulog sa Our Lady of Mount Carmel, Carmelite Monastery Chapel ang ika-76 nga kapistahan niadtong Hulyo 16, 2024. Kini matud pa sa gisangon ni Sr. Grace, usa ka Carmelite Sister, sa usa ka pagpakighinabi kaniya niadtong adlawa.

Sayo sa kabuntagon sa adlaw sa kapistahan, midagsa ang katawhan alang sa pagtambong sa Santos nga Misa nga gisaulog ni Most Rev. Romulo G. Valles, D.D. sa Carmelite Monastery ning dakbayan. Ang dakong debosyon sa katawhan kang Birhen Maria, nagdugang sa kadasig sa mga magtotoo nga dayag nilang gipakita diha sa ilang tagsa-tagsa ka presensya nga nagsaulog sa Santos nga Misa. Ang debosyon sa atong Mahal nga Inahan, dili lamang usa ka debosyon nga binuhat-buhat sa tawo lamang apan mismo si Kristo ang nagpadayag niini diha sa Ebanghelyo. Ug kining maong debosyon gipalawman pa ug kahulugan ni Archbishop Valles diha sa iyang homiliya. Ingon pa niya “as I listen again to the Gospel reading, because the Gospel is familiar to us, when some of our brothers and sisters would tell us that Catholics have this questionable practice of showing our love for Mary, our devotion to Mary… nakapangutana siya “Wala ba ta makabasa niining very dramatic part of the Gospel, Our Lord mismo proclaimed her as our mother. That title alone should move them to think and reconsider how lovely is our devotion, because it is not many times they would say ‘invention lang na’, from the lips of the savior mismo at the foot of the cross, he said, He declared clearly ‘there is your mother’. Dugang pa niya dili kinahanglan natong lalisan kining maong debosyon hinoon hagit niya “to stay cool, be confident, big smile when they mock us.”

Tuod man dili sayon ang pag atubang sa mga pagtamay nga atong nasinati o nadawat gikan sa uban apan sayod kita sa kamatuoran. Mao nga dili kinahanglan magduhaduha sa atong pagtoo sama na lamang sa mga deboto sa atong Mahal nga Inahan, Birhen del Carmen nga nagkatigom niining maong kasaulogan sa iyang kapistahan. (Sem. Resty J. Cabahug)