Viva San Juan Bautista!

Gisaulog niadtong Hunyo 24, 2024 ang ika-59 nga kapistahan sa Parokya sa Lasang uban sa patron niini, San Juan Bautista.

Ang Santos nga Eukaristiya mao ang nahimong sentro sa maong kasaulogan pinaagi sa pagpangulo sa atong halangdon nga Arsobispo sa Davao Most Rev. Romulo G. Valles, D.D.

Atol usab sa misa gihimo ang anointing of the new altar kon diin gipanalanginan ug gibendisyonan ang table of hope ug ang sanctuaryo.

Gipadayag usab sa atong amahan sa Arkidyosis ang iyang dakong pagpasalamat kanato isip parokyano sa Lasang, diin nagpabilin kita sa atong kultura isip tinuod nga Pilipino pinaagi sa pagsuot ug Filipiniana ug Barong Tagalog matag kasaulogan sa kapistahan, ang Arsobispo nagkanayon “Fiesta is life for us, kay mao kini ang gasa sa atong pagtoo. Pagpreserba sa kultura taliwala sa modernong panahon.” Nagpasalamat usab siya nga nagpabilin ang struktura sa simbahan sukad pa nga gitukod kini sa unang mga misyonaryo. Matud niya, “gitinguha ninyo ang pagpanindot sa simbahan pinaagi sa pagpreserba ug pag-amping sa kasaysayan niini.”

Human sa Santos nga Eukaristiya nagduyog pagpangaon ang matag sona sa giandam nga fellowship lunch. Dayon gisunod ang pagpili sa mga mananaog sa best in Filipiniana ug Barong Tagalog; Kiosk beautification winners nga nakuha ang kampyonado sa sona siete (7) sa kasikbit nga mga GKK sa Barangay Lumiad, Paquibato District, Davao City. Ang ikaduhang mananaog mao ang sona uno (1) ug ang ikatulo nakuha sa sona (5).

Folkdance competion nga nakuha ang kampyonado sa sona uno (1), sona dos (2) isip ikaduhang mananaog ug sona singko (5) nga mao ang ikatulong mananaog.

Usa ka halandumon ug malipayong pista nga di gayud malimtan ug balikbalikon paghandum. Simbahan nga puno sa kadasig sa paghalad sa kaugalingon ug piniyalan nga sandayong sa dakong gugma ug grasya sa Dios.

Katilingban ni San Juan Bautista mapadayunong naglawig ug kahiusa diha sa pagtoo padulong sa gingharian sa Dios. (Steven Jay del Rosario | Photos by DCH and SJBP Youth Ministry)