Buhing Handumanan uban sa mga Santos

(An excerpt of the homily of the Most Rev. Romulo G. Valles, D.D., during tduring the 3rd Day of the Pastoral Visit to St. Mary of the Perpetual Rosary Parish at GKK Sta. Teresita Green Orchard Village, June 19, 2024.)

I would like to say first that our faith, Ang atong pagtoo kanunay gi nourish, gipatambok diha sa Santos nga Eukaristiya. Gani miingon si Jesus sa unang Mass, sa unang Eukaristiya, iyang giingnan ang iyang mga apostoles: “ Buhata kini sa akong handumanan.” Busa malig-on ang atong pagtoo, ma-inspired ang atong pagtoo, madasigon ug malahutayon ang atong pagtoo kung ang atong handumanan is always alive. Kung ang atong handumanan buhi, kung ang atong picture, atong mga kasayuran, atong mga bible stories bahin kang Jesus buhi kaayo. Kung muabot ang mga pagsulay sa kinabuhi, mga pagsulay sa pagtoo.

Unsay mga pagsulay bishop? Sa dihang naay mga professional dinhi Kanang naa mo sa accounting, unya naay moingon ninyo nga “Pirmahi ni kay pagpirma nimo 10 million.” Sir murag duda ko ani na dokumento” “Sige lang sir naa bitaw kay 10 million ana.”

Sa dihang moabut ni nga pagsulay, tungod kay buhi ang imong handumanan, lig-on ka nga modili. Buhi ang imong pagtoo, ug sa dihang moabut ang pagsulay: buhata kini sa akong handumanan. Tungod kay maayo ang atong feeding, pagpakaon sa atong kalag, nan kung moabot ang mga pagsulay lig-on kita nga modumili sa temptasyon sa yawa.

Ang Misa mao ang handumanan sa pagpangga sa Dios. Pagpangga nga dili matukib, pasaylo, pasensya nga walay sukod. Busa kon mabaton kita sa maong handumanan sa gugma ni Kristo kanato, lig-on kita.

Busa alang sa pagpalig-on sa atong pagtoo importante kaayo ang Eukaristiya kay anaa si Jesus matag Eukaristiya labi na sa Pan ug Bino. Gani ang Pan ug Bino dili na simbolo ni Kristo, si Kristo gyud na. Lawas ni Kristo. Gwapo kaayo ang Catholic Religion. We become what we eat.

Ang pan kanang pagkalawat si Kristo na. Kung ato siyang kan-on, wala nay misteryo. Sama sa pagkaon nga mo embody sa atong lawas, kung mokalawat kang Kristo sa husto nga paagi, kitang sama ni Kristo we become strong like Christ.

Busa anaa si Kristo kanato, lig-on kita nga motuman sa dalan nga pure sa pagtoo. Alang sa mga Katoliko, mahal kaayo ang Santos nga Misa, matag karon ug unya mag Misa kita. Correct! Kay ang Misa mao ang buhing handumanan sa pagpangga kanato. Sama karon nanimba ta, makatabang kanato sa paglig-on sa atong pagtoo.

Salamat nagtan-aw ko sa inyong patron: Sta. Teresita, St. Therese of the Child Jesus. Sa atong relihiyon,sukad pa sa sinugdanan. Kita ang pinaka orihinal, ang uban baguhay ra na. Sukad pa sa sinugdanan aduna kitay mga ebidensya nga kanunay nagpractice ang atong mga katigulangan sa pagtoo way back to the apostles nga diay ma-inspired sila dili lang sa Ginoo, correct man na kay Siya man ang source. Pero sukad pa sa sinugdanan ma-inspired ta sa mga taong sama kanato, sa mga Santos, sila ang atong Modelo. Magpili ka sa mga Santos sa Simbahan pirting daghana. Kung biyuda ka, adunay Santos sa mga biyuda, kung pari ka, anaa sad, kung hari ka naay example nga hari, kung mangingisda ka naa, kung slave ka naay example. Sukad pa sa sinugdanan, lakip na sa atong style ang atong kalambigitan sa mga Santos sama kang Sta. Teresita.