Kalampusan sa organikong seminar sa Brgy. Indangan

Niadtong Hunyo 1, 2024, Sabado, alas dos sa hapon, nagmalampuson ang kolaborasyon sa Simbahan ug Sibil nga sektor sa paghatag ug seminar bahin sa organikong pagpananum sa Barangay Indangan. Ang maong kalihokan gipasiugdahan sa Barangay Council pinaagi sa ilang pag-imbita sa ministriya sa PDCC (Parish Desk Care for Creation) sa OLMMP.

Ang seminar naglakip sa mga prinsipyo ug praktis sa organic container gardening lakip na ang pag-andam sa organic compost, pag-atiman sa mga tanom nga walay kemikal nga pestisidyo, ug pag-convert sa tradisyonal nga garden ngadto sa organiko.

Si Kagawad Vilma Albofera mipahayag sa iyang pagpasalamat sa mga nanambong ug sa mga eksperto nga nangulo sa seminar nga gipanguluhan nila Charlie Modequillo, ASAC Coordinator ug Gina Lauron, PDCC coordinator.

Gipahigayon ang kalihokan sa Gymnasium sa maong barangay. Ang kalampusan niini nagpamatuod nga ang Barangay Indangan determinadong molambo pinaagi sa sustainable nga mga pamaagi sa agrikultura, nga dili lamang makapaayo sa kinabuhi sa mga mag-uuma, apan sa tibuok komunidad.

Congratulations to Indangan Barangay Council & OLMMP- PDCC Ministry uban sa giya nila Kapitan Armando Abapo ug Rev. Fr. Jesus H. Samaniego. Dalaygon ang Dios! (Marilou A. Luzon | OLMMP- SoCCom)