Presensyang makapalig-on sa pagtoo

(An excerpt of the homily of the Most Rev. Romulo G. Valles, D.D., during the 3rd day of his Pastoral Visit in San Pedro Calungsod Parish, Baguio, Davao City, May 22, 2024.)

“Dako ang akong kalipay na makaanhi sa inyong GKK sa Lower Carmen sa GKK ni San Roque. Akong giingnan ang mga pari nga nagplano sa Pastoral Visit sa kada-parokya akong giingnan sila na gusto ko na makabisita at least usa ka GKK sa akong pag-anha sa parokya. Busa kamo ang pinaka swerte, kana kon niangay mo na nianhi ko ha? Kamo ang pinaka-swerte (attendees are clapping) Ako, right away pagtan-aw nako, wa ko natingala nga gipili mo ni Fr. Elvie sa inyong pagka-GKK nga akong bisitaan kay akong gibati ang vibes ba. Nindot kaayo, Daghan kaayong Salamat ah. Congratulations, angayan kamo bisitaan.

Ang Eukaristiya tatak sa atong simbahan. We cannot be a Catholic Church, we cannot be truly a church of Christ, simbahan ni Kristo kung dili kita matag karon ug unya maglibot sa altar sa Ginoo. Ngano man? Sa usa ka paagi muisplikar ako muingon kita ang sakop ni Kristo sa iyang simbahan na iyang pundok katong giingon sa mga Tulo ka Dominggong miagi “Ako ang punuan, kamo ang …I am the vine kamo ang mga… branches” sa ato pa, dili pwede na ang punuan Durian unya ang sanga Mangosteen. Ambot ug naa ba magic ang mga agriculturist. Mao na nga ug punuan Durian, ang mga sanga Durian. Usa, Mao na ingon niya ako ang punuan, ako ang vine kamo ang mga sanga. Now, kung ato kanang iapply matag karon ug unya bation nato nga kita, si Jesus mao ang punuan, kita iyang mga sanga. Siya ang ulo kita ang mga bahin sa lawas, usa kita sa lawas ni Kristo.

Usa sa mga butang na pwede nato iisplikar mao nga, ang usa ka lawas, usa’g huna-huna. Synchronized gyud na. Sa pulong ni Kristo buhata kini sa akong handumanan” mao tong paghuman sa pagkabanhaw ni Kristo, pagsaka sa langit. Nakadumdom sila na mag pikas-pikas diay ta’g pan to break bread mag Eukaristiya ta. Ingon sya “Buhata kini sa akong handumanan” Kung pareha ang atong handumanan, pareha ang atong memory, pareha atong cellphone, pareha atong computer, pareha atong CPU, gwapo ang lihok. Busa mata’g karon ug unya buhata kini sa akong handumanan aron ang atong memory, tanan mga manambong sa misa, tanan sakop sa simbahan ilang memory will only be just one memory handumanan ni Kristo na atong manunubos.

In God’s mysterious design iya tang bantayan kanunay diha sa pagbutang sa mga sumusunod sa mga apostoles sa simbahan. Maningkamot mi intawon na magbantay diha kaninyo sa gasa sa pagtoo aron ang atong biyahe padulong sa langit, sa gingharian kita mulahutay. Busa, akong kalipay karon na makakita kaninyo, ang inyong prisensya karon dinhi sa GKK sa Lower Carmen, GKK San Roque, makapalig-on sa akong pagtoo. Kay buhi diay ang presensya ni Kristo sa atong simbahan.