Nga kita usab magmaloloy-on

“Pagkanindot tan-awon natong tanan, puno ang cathedral, mas puno pa last year.” Mga pulong ni Most Rev. Romulo G. Valles sa pagsugod niya sa iyang homiliya niadtong piyesta sa Diosnong Kalooy, Abril 7, 2024. Tuod man, puno sa mga dalag nga mga pamiste ang simbahan, kini mga deboto sa Hari sa Diosnong Kalooy kon Divine Mercy.

Kon dili man mao ang pinakadaghan, usa ang Divine Mercy Apostolate sa pinakadaghan nga mga deboto sulod sa Arkidyosis sa Davao. Gani kakitaan sila diha sa aktibo nga pagsuporta sa mga kalihukan sa simbahan, sa matag piyesta o matag hitabo nga aktibidad, anaa ang Divine Mercy Apostolate nga kanunayng andam sa paghalad sa ilang mga pag-ampo.

Sumala pa ni Abp. Valles, “kung mangutana ta, unsay meaning sa Divine Mercy? Muingon lang ko, ‘balik, unsay nahitabo sa Huwebes Santo sa gabii, Biyernes Santo, Sabado sa pagkabanhaw, mao nay meaning’, mao na ang Divine Mercy Sunday, sumada, dili siya independent.” Kini usa ka dakong kamatuoran gayud tungod dili nato mabati ang Diosnong Kalooy kon wala kita makasabot sa hinungdan ug nganong gilansang ang atong Ginoong Jesucristo sa krus.

Sa pagka-karon, ania na kita sa panaon sa Pagkabanhaw kon Easter Season, dili nato hikalimtan ang tinuod nga hinungdan sa atong pagmaya. Kini ang kamatuoran nga kitang tanan giluwas gikan sa sala, ug nga ang kamatayon, gipildi na sa Dios.

Karon unsa may hagit kanatong tanan? Dili lang sa mga deboto sa Diosnong Kalooy, apan kanatong tanang mga sumusunod o nagtinguha nga mahimong sumusunod ni Kristo, ang hagit mao nga kita usab mamahimong maloloy-on sa uban, dili lamang ngadto sa dunay ikabalos kanato, apan labaw na didto sa walay ikahatag kanato.

Tungod sa atong pagkamapasalamaton sa dakong grasya nga gihatag kanato sa Dios, kita usab maningkamot sa pagpakaylap niini nga grasya sa uban. Sa diwa sa pagkamapasalamaton, dako usab ang pasalamat niining atong mga mission partners sa miaging live coverage sa kapistahan sa Hari sa Diosnong Kalooy, sila si: Jimmy and Annie Libres, Jojit and Babsie Balod, Divine Mercy GKK – Monte Maria / Bernard & Rose Enriquez, Christine Climaco, Dorothy Climaco, Jaime Llames of P-R-A Davao, Sasima Saljay, Lourdes Balingit, Silao Surveying Services, Lolita Gabriento and Family, Perla & Jerry Licarte and Family, Corazon Quirog, Petra (Rene) Cawthorne and Siblings, Emilio & Marilou Yap & Family, Vivian Sison and Family, Joji Ilagan Bian and Family, Nicole Ledesma and Family, Sani Cachuela and Family, Mylene Diez and Family, Rosanina Camangeg and Family, Emely Balbutin and Family, Ednar and Chona Dayanghirang and Family, Ric & Edith Erosa and Family, Rosita Perandos and family, Dr. Camilo Toledo and Family, Dr. Angeline Toledo and Family, Catherine Perandos – Zomoras of Zamoras Medical Clinic.

Kaninyong tanan, daghan kaayong Salamat!