Unsa ang inyong giampingan?

(An excerpt of the homily of the Most Rev. Romulo G. Valles, D.D., on the Knights of the Altar Convention at St. Francis Xavier College Seminary, Catalunan Grande, Davao City, February 10, 2024.)

Ang pulong nga piniyalan, milabaw sa alagad, kay ang alagad, pwede nga dili piniyalan, server lang. Karon ang tema nindot pag-ayo, kamo kauban, piniyalan sa Eukaristiya. Kauban kamo, di lang kamo, kauban mo namo, isip mga altar servers, Knights of the Altar, mga piniyalan, piniyalan nga dili tapulan, piniyalan nga nag-alagad ug nagkahiusa aron kada saulog sa misa, Eukaristiya, pagsaulog ug puno sa kahulogan.

Una sa tanan, nag organize kita niining convention aron magpasalamat sa Dios, tungod kaninyo, si St. Paul ana siya, “magpasalamat ako sa Dios tungod kaninyo.” Busa karon pud isip inyong Obispo kauban sa mga pari, puno ang among kasingkasing sa pagpasalamat, to thank God, to thank the Lord because of you. Kamo ang indicator, karon 2,144 and counting, indicator sa kaayo sa Ginoo nga mukuhit sa mga kasingkasing sa mga batan-on sama kaninyo karon.

Timaan kini, genuine, tungod sa inyong edad, genuine nga pagtoo ug pag-alagad sa Dios isip mga piniyalan, busa, sa pagtan-aw kaninyo, makatandog, sa kadaghan ninyo, magpasalamat kita sa Dios tungod kaninyo.

Ika-duha nga sa among kasinatian for many many years, nga ang mga altar servers mao ang nindot nga original, usa sa mga unang ang-ang sa seminaryo, seedbed. Muingon ko ninyo, di man tanan pero okasyon kini, kamong mga altar servers, basin gitawag mo sa Ginoo. I repeat di tanan, pero maayo nga isip mga piniyalan, duol sa altar sa Ginoo, hinaot unta kining convention, muduso, muhunghong kaninyo, basin anaa ang tawag sa Ginoo kaninyo nga magpari ug mangalagad sa simbahan.

Pero unsa man kining inyong gi-alagaran, ang Eukaristiya, ang misa, unsa man ang gi-alagaran sa pari, kung magpari kamo? Kita nasayod nga ang Eukaristiya, kamo ang server, piniyalan nga kanunay buhi ug nindot ang Eukaristiya. Unsa manang Eukaristiya? Importante kana nga pangutana, tungod kay kon piniyalan, labi na servers, basta piniylan, nasayod gyud unta siya unsa iyang gibantayan, unsa iyang ampingan.

Ang atong Ebanghelyo karon, readings of the day, nakadungog kamo mao ang dakong milagro sap ag multiply, sa pagpadaghan sa pan ug sa isda, ang mga batid sa Bibliya ingon sila, kining pagpakaon sa pan, ug sa isda, kining pagpakaon, larawan na sa gasa sa Eukaristiya, tungod kay nasayod kamo ang Eukaristiya usa ka sakripisyo nga bankete, lagi, tuboran sa pagkaon alang sa atong kinabuhi.

Mao kana ang inyong ampingan, the Eucharist, is a sacrificial banquet nga maghatag kanatog kinabuhi, saman ga liboan ka mga tawo, nabusog niining pagpadaghan sa pan ug sa isda.