ENCUENTRO: An invitation to synodality

Ang Immaculate Conception Parish Youth Apostolate sa Mintal nagsaulog sa Local National Youth Day kaniadtong Disyembre 16, 2023 sa parokya sa Mintal inubanan sa tema nga, “ENCUENTRO: An invitation to synodality.” Kini nga selebrasyon gisaulog sab sa lain-laing mga parokya dinhi sa atong Arsidyosis sa Davao isip pagsalmot sa National Youth Day.

Gisugdan kini sa Santos nga Misa pinaagi sa pagtambong sa mga kabatan-onan sa first day of Misa de Gallo. Pagkahuman sa unang bahin, ang mga youth coordinators nag andam ug usa ka lingaw nga Getting-To-Know-Activity diin tanan nalingaw sa pagkanta ug sayaw. Pinaagi niini, mas labaw pa nila nga nailhan ang ilang mga kaubanan nga mga batan-on. Aduna usab usa ka plenary talk nga gipahigayon bahin sa tema nga “ENCUENTRO: An invitation to synodality.” Gihatagan ug duso sa manunulti nga si Jelai Jarilla, usa ka batan-on ug ang ICP head Catechist, nga mao kini ang nindot nga panahon para magtukod ug usa ka nindot nga relasyon ug panag amigo sa isig kabatan-on. Apil sab sa gihisgutan sa maong plenary talk ang usa ka “good Samaritan” nga gagikan sa Ebanghelyo ni San Lucas og kini gipamalandongan sa mga kabatan-onan og dayon sila mipaambit sa ilang mga pamanladong.

Sa hapon ining adlawa, nag-andam ang mga youth coordinators ug mga Larong Pinoy nga gisalmutan sa nagkadaiyang mga kabantan-onan nga nahisakop sa mga sona sa parokya. Ang maong selebrasyon malampuson nga nahuman pinaagi sa dakong suporta sa Kura Paruko nga mao si Rev. Fr Johnny Autida inubanan sa mga parish staff. Labina usab sa mga kabatan-onan nga niduyog sa maong kalihukan. Ang ICP Parish Youth Apostolate nagsugod na sab ug plano sa mga muabotay nga mga activities sa tuig 2024 nga mag tuyok pud sa tema nga “Encuentro”. (Roy Felix Abrio)