Day Filled With Grace

Kapin kwarenta ka mga GKK SoCCom ang mitambong sa usa ka Basic Journalism Seminar nga gipahigayon sa San Roque Parish Seminar Hall sa Malabog niadtong Desyembre 2, 2023 adlawng Sabado. Kini isip pagpadasig ug pagpuno sa ilang kaalam mahitungod sa pagbuhat ug balita diin kabahin ang pagresearch, interview ug pagsulat. Dayon-dayon silang nakahimo ug mga straight news pinaagi sa KOKANG nga nagpasabot og Kinsa, Onsa, Kanus-a, Asa, Ngano ug Giunsa.

Ang sesyon sa buntag giputol sa makadiyot aron sa pagsaulog sa Santos nga Misa uban ang mga GSLs nga bag-ohay lang nahuman sa ilang Advent Recollection. Sumala pa ni Rev. Fr. Cirilo Bermudez usa kuno ka “day filled with grace” kadtong adlawa tungod napuno ang simbahan sa mga sumusunod ug mga alagad sa Dios.

Malampusong natapos ang seminar sa mga GKK SoCCom nga napuno sa dugang kaalam mahitungod sap ag-interview, pagsulat ug news ug feature articles.