Christ The King Specialists Hospital Sa Tagum City, Opisyal Nang Philhealth Accredited

Tagum City, Davao del Norte – Nobyembre 24, 2023 – Gipasalig sa Philippine Health Insurance Corporation (PHILHEALTH) ang ilang akreditasyon ngadto sa Christ the King Specialists Hospital nga gipanag-iyahan sa Diocese of Tagum, nga nahimutang sa Christ the King Road, Magugpo East, Tagum City, Davao del Norte isip usa ka Level 2 Hospital (Accredited Beds: 100).

Ang Licensing Team sa hospital ang nagproseso alang sa maong akreditasyon nga gipangulohan ni Ms. Jocelyn E. Torrion and Ms. Ann Vernadine Buduan. Giaprobahan kini ni Atty. Harvey L. Carcedo, ang Regional Vice President sa Philhealth Regional Office (PRO) XI. Kini naghatag og dugang kumpiyansa sa hospital aron makapahatag og serbisyong medikal sa katawhan Davao del Norte ug sa mga nagagikan sa palibot.

Sukad atong Oktubre 5, 2023, gadawat ang maong hospital og admisyon sa mga pasyente ug adunay mga outpatient services nga naglangkob sa mga musunod:

• Hemodialysis treatment
• Pharmacy
• Laboratory
• Mobile x-ray
• Ultrasound
• 2D-echo
• Medical consultations

Alang sa mga pangutana ug dugang kasayuran, mahimo ninyo silang kontakon sa numerong +63 9811677839 o mag-email sa ctksh.rexmedicuscorp@gmail.com.

Ang maong akreditasyon naghatag og garantiya sa publiko nga ang Christ the King Specialists Hospital adunay kalidad nga serbisyong medikal ug nagpakita og kahinanglanon sa kalampusan sa ilang gipili nga larangan sa pag-atiman sa kahimsog sa katawhan. (Sara Mae Sotomil)