What am I living for?

Dear Ate Emz,

Naga trabaho ako sa usa ka pribado nga kumpanya. Salamat sa Diyos kay makatabang na sab ako sa mga panginahanglanon sa among panimalay. Makaluag-luag na ang akong mga ginikanan sa ilang mga gastusin. Duha kaming managsoon ug hapit na sab mahuman ang akong igsoon sa pag toon. Single pa po ako at the age of 25 years old. Ako lang napangutana sa akong kaugalingon ug namatikdan nga ang atong buluhaton balik-balik ug routinary. Duna ba mas makahulugan nga rason sa atong pang adlaw-adlaw nga kinabuhi?

Kini ang rason nga dunay kapuslanan ang pagmata sa adlaw-adlaw nga bililhon tungod ug alang sa akong pamilya. Dunay mga panahon nga bati-on ako ug kakapoy, kalaay apan akong pamalandungan nga dunay mga tao nga naka salalay sa akong gimbuhaton matag adlaw sa akong trabaho labaw na ang akong pamilya. Kinahanglan pa ang dugang kugi ug duna na akoy kaugalingong pamilya.

Lisud ang kinabuhi, gubot ang huna-huna ug magkaguliyang kung dili ubanan ug Kristohanong pag-pamuyo. Dili kayanon sa atong kaugalingong kapasidad lamang, kinahanglan gayud ubanan ug pag-ampo sa pagpangayo ug kusog, gabay gikan sa atong Diyos Amahan.

God bless you more.
Eula

* * * * * *

Dear Eula,

Ang imong sulat nagpahinumdom sa usa ka karaan nga kanta, “What am I living for?” ni Eddie Peregrina. Makahuluganon gyud kining linya sa kanta kung imo lang pamalandongon. Tinuod bitaw nga sa atong adlaw-adlaw nga routine sa kinabuhi, usahay makapangutana kita sa atong kaugalingon, “mahitungud sa unsa kining tanan ug alang sa unsa? Ang usa ka tawo usahay mobati lang og kakapoy, balik balik ang pagbuhat sa samang mga butang nga murag walay tumong. Busa, naay mga higayon nga ang usa ka tawo mobati og dryness, nga ang kinabuhi walay kahulogan. Bored…kapoy…ingon ani na lang ba ang kinabuhi? “Para kanino ka bumabangon?”…matud pa sa usa ka sikat nga advertisement.

Sa unang higayon, salamat sa atong Ginoo nga gipanalanginan ka sa usa ka mapuslanon nga trabaho sa pribadong kompanya. Kini nakapagaan sa bug-at nga lulan sa imong mga ginikanan sa pagsustento sa mga panginahanglan sa imong pamilya. Bulahan ang mga ginikanan nga naay mga anak sama nimo nga nagpakabana kanila, ilabi na kung tigulang na sila ug wala nay lain pang means of income. Mao gyud kini ang usa sa mga rason nganong nadasig ka nga mobangon ug atubangon ang mga hagit kanang adlaw…tungod sa imong pamilya. Nakahatag kini kanimo og usa ka hinungdan nga kahulugan sa imong naandan mga pag spend sa imong adlaw. Oo, tungod kanila ikaw mobangon matag buntag. Sama sa akong gisulti kaniadto, ang mga anak nga molingi sa ilang ginikanan mahimong mabulahan ug taas nga kinabuhi. (Eph 6: 3). Salamat naman og hapit na mahuman ang usa nimo ka igsoon. There is a sense of fulfilment na makikita nimo ang bunga sa imong pagpaningkamot nga makahuman siya. Mao pud ni ang kalampusan sa mga ginikanan.

Lisud ang kinabuhi, walay duhaduha bahin niana. Apan sama sa imong nahisgotan, kung sa tanang mga hagit niini gibayaw ngadto sa atong Ginoo, ang tanan mahimong mabuntog pinaagi sa mga pag-ampo. Makaya ra. Busa importante gyud ang pag-ampo. Dugang pa niini, ang pag-ampo mao ang usa sa mga makahatag og kahulugan sa tanang mga paningkamot sa imong adlaw-adlaw nga mga buhat. Ang paghalad ngadto sa atong Ginoo, alang sa Iyang kaugalingong kahimayaan, ang tanan nimong buhaton mahimong usa ka matang sa pag-ampo ug kini makadugang ug kahulugan sa tanan nimong mga lihok. Busa, ang imong buluhaton sa adlaw-adlaw dili lang magpabilin nga routine apan mahunahunaon nga mga lihok nga adunay katuyoan.

One popular priest, Fr. Dave, used to say “our purpose in life is not to live long but to live well”. Kini nagpasabot sa usa ka hagit sa paghimo sa kinabuhi nga mas makahuluganon. Dugang pa niini si St. Mother Teresa of Calcutta kas-a niingon, “a life not lived for others is not a life”. Kung ato kining ma translate sa atong lifestyle, then life is worth living after all. Helping others goes hand in hand with meaningfulness. Ang pagtabang sa uban makahimo gayod og sense of meaning nga atong gipangita sa kinabuhi. Mahimo kining pipila ka tubag sa imong pangutana kung “duna ba mas makahulugan nga rason sa atong pang adlaw-adlaw nga kinabuhi?”….Of course!!! Mahimo pa gani nimo nga molapas ka niini.

Bisan pa unsa ang imong trabaho, kung imong giisip kini nga usa ka calling o misyon, nan, kini mahimong labi pang makahuluganon. Dili lang kini tan-awon nga means of earning a living or having a better income. You can go beyond this purpose. In other words, sublimate your deeds. Touch lives, be a transforming presence wherever you find yourself. Make a difference in other peoples’ lives. Be a channel of God’s goodness, love, mercy and compassion. Do small things with great love, just as what St. Mother Teresa says. If there is love, there is joy in what you do. Mindfully lift up intentions even in seemingly insignificant things you do. Unite all these with Jesus…All for God’s glory.

Naglaum ug mag-ampo ako nga sa imong paglawig niining kinabuhi, kanunay kang makasinati og kalipay taliwala sa mga hagit ug ang Ginoo magpabilin kanimo sa kanunay.

God bless you more.

Ate Emz