Holy Family Parish Family Dialogue

“Ang pamilya nga nagkahiusa sa gugma lig-on nga piniyalan sa Dios.”

Malampusong gipahigayon ang Unang Family Dialogue nga gipasiugdahan sa Family and Life Apostolate ug PSKB sa Holy Family Parish sa Baliok niadtong Oktubre 28, 2023 tibuok adlaw sa Sabado, Ang mga partisipante nag-gikan sa nagkalain-laing GKK nga sakop sa parokya.

Adunay usa ka representante sa pamilya sa matag Zone ug adunay pito ka GKK nga misalmot niini.

Nagsugod kini sa Parlor Games. Gisundan sa kalihokan nga makapagawas sa emosyon sa mga ginikanan ug mga anak, ug misulod ang highlight nga Family Dialogue. Atol sa kalihokan, ang suliran nga giagian sa matag pamilya nakitaan ug paagi sa pag-resolba labi na sa mga isyu nga nakahatag ug kasamok sa matag miyembro sa pamilya. Adunay pag pinasayloay sa matag miyembro nga gipanguluhan sa haligi sa pamilya. Sa katapusan adunay pagpanghatag ug rosas gikan sa mga anak ngadto sa ilang ginikanan isip pagpakita sa timaan sa respeto ug gugma lakip ang pag pasalamat sa ilang kinabuhi nga ilang nahiaguman.

Ang Family and Life Apostolate ug PSKB mapasalamaton sa atong minahal nga kura paroko Fr. Roger Jing Duhaylungsod sa paghatag ug ideya sa pinaka una nga Family Dialogue ug sa mga misuporta sa aktibidad aron kini magmalampuson. KUDOS sa mga GSL ug mga lider sa GKK, sa service team sa FLA/PSKB ug sa mga nag-sponsor sa mga gikinahanglan para kini magmalampuson. Hangtud sa sunod tuig nga Family Dialogue.

Sa Dios ang Himaya. (Zita Penafiel Cayapos)