Paghandom sa Kalinaw

Luyo sa mga kabalaka sa gubat batok nasud China, sa Israel, sa Ukraine ug uban pang mga lugar, ang lokal nga panggamhanan sa Dabaw naglusad ug hiniusang pag-ampo niadtong Nobyembre 9, adlawng Biyernes. Bisan pa sa makusog nga ulan, wala natandog ug gipadayon ang Interfaith Prayer Rally alang sa kalinaw sa tibuok kalibotan.

Sa Pasiuna ni Task Force Davao Commander Col. Darren Comia, siya mipadayag sa iyang dakong pagtoo sa gahom sa pag-ampo, siya midugang nga ang miaging ulan usa ka pagbubo sa grasya tungod ang dakbayan nagkatigom aron sa pag-ampo sa kalinaw sa kalibutan. Siya mipaambit, “Batid ko po na walang direktang epekto ang mga kaguluhang ito sa atin, ang meron lang po nating alam ay ang epekto nito sa ating ekonomiya, na kung saan, naapektuhan po ang ating pamumuhay, batid ko rin po na merong epekto ang mga kaguluhan ngayon sa personal na buhay nating lahat, dahil tayo ay tao lamang…bilang isang Dabawenyo, kung saan ang amin pong patuloy na panawagan ay ang pagkakaisa sa pamamagitan ng pagdarasal para mas mapaigting pa ang ating pagsasama at sa patuloy na kapayapaan sa ating lungsod. Ipanalangin din po natin na ang kasalukuyang kagulohan ay wag nating maranasan.” Pagkaanindot nga mga pulong gikan sa usa sa atong mga tigpanalipod sa dakbayan.

“In every disturbing situation, the only thing that we can do is pray,” dugang pa ni Col. Comia.

Matapos ang pasiuna, nagsugod na ang mga pag-ampo alang sa kalinaw pinaagi sa upat ka mga lider sa lain-laing relihiyon. Nauna na diri ang chairman sa DARUL IFTA WADDA WAH 11 nga si Allen Mohammad Pasigan, misunod si Most Rev. Romulo G. Valles, DD, dayon si IPS Executive Council Member, Tumanuron Datu Boyson ug ulahi si Pastor Noel C. Milloren nga senior pastor sa Metro Davao Pastors Fellowship.

Sa pagpahinumdom ni Pastor Noel nga LIFE IS HERE, daghan gayud ang misyagit sa makusog nga amen. Tuod man ang dakbayan sa Davao nagkahiusa gayud sa pagprotekta sa gasa sa kinabuhi. Sumala pud ni Mayor Sebastian Duterte, “gusto unta nako nga ipahinumdom sa inyoha, nga matiman-an Ninyo nga kini atong dakbayan, walay diskriminasyon.”

Tataw kaayo ang intensyon sa atong halangdong mayor sa dakbayan nga ipakita sa tibuok nasud ug sa tibuok kalibotan nga nagkahiusa ang mga lungsoranon sa Dabaw ug nga kita naghandom nga mahisama kanato ang ubang mga lungsod ug nasod.