Katawhang nagkinahanglan sa kalooy

(Homily of Most Rev. Romulo G. Valles, D.D., Archbishop of Davao during the 1st Day of his Pastoral Visit at St. Joseph the Worker Parish, Sasa, Davao City, September 21, 2023)

Ang pagtawag kay Mateo, unya natingala sila nga dili man angayan si San Mateo, sa ilang tan-aw siya tax collector, alang sa mga Judeo ang mga tax collector, instrumento sa bangis nga Romano. “Kini si Mateo, kalaban nato ni, dili ni pabor sa mga Judeo, sa atong kaliwat,” busa natingala sila nga si Jesus miduol sa usa ka dili maayong tawo. Sa kaon nga nahitabo, daghan pud gihapon ang mga kauban ni Mateo. Nangutana ang iyang mga sumusunod, “naunsa naman kini nga ningtapok man kining mga makasasala?”

Miingon si Jesus, “kini mismo ang rason maong mianhi ako, mianhi ako alang sa nagkinahanglan sa kalooy sa Ginoo.” Mga igsoon kung atong nakuha kana nga isturya sa ebanghelyo karon, mao kana kita sa parokya. Obispo, pari, mga relihiyoso, mga lay leaders, tanan kitang tanan katawhan kita nga nanginahanglan sa Ginoo. Matod pa sa teksto sa ebanghelyo karon, ang parokya mao ang katawhan nga nanginahanglan ug doktor. We need God, we need his mercy, we need his kalooy, we need him to satisfy the longing, kanang tinguha, kanang kauhaw, kanang kagutom nga tininuod diha sa kasingkasing sa tawo. Sa ato pa atubangan sa Dios dako tag kakulangan. Giunsa ninyo ang pagpuyo, giunsa ninyo, pag concretize, nga mahiduol kamo gyud sa Ginoo? …diha kang Kristo kita ang special nga giimbitar sa Ginoo aron mahiduol kaniya.