Paingon sa Setenta y Singko

Sunod tuig pormal nga ilansad ang ika-75 o Diamond Jubilee nga anibersaryo sa Arkidyosis sa Davao sa Pebrero 22, 2024. Sulod sa siyam ka bulan atong saulogon kini. Usa kini ka dakong kadaugan dili lamang sa mga taga Davao apan sa tibuok nasod. Panahon sa kapistahan sa awtoridad ni San Pedro ang maong paglunsad. Tapuson kini sa Nobyembre 30, 2024 atol sa atong pagsaulog sa bispiras sa Kristong Hari.

Ang tema o focus sa maong pagsaulog mao ang stewardship kon pagkapiniyalan ug synodality. Mahinumdoman nga ang anibersaryo, Disyembre 17, apan sumala sa atong Arsobispo, Most Rev. Romulo G. Valles, D.D., gilaoman na nga daghang kakulian nianang adlawa tungod sa pagsugod sa mga Misa de Gallo. Aron mas matagaan diha sa solemne ug dakong importansya ang pagsaulog sa maong anibersaryo, gibutang ang pagsaulog sa Santos nga Misa sa Nobyembre 30.

Atong atangan ang mga kasaulogan ug mga panghitabo niining dakong kasaulogan.