“Nagatoo Ako Sa Pagkabanhaw Sa Lawas”

P: Unsay gipasabot sa “pagkabanhaw sa lawas”?

T: Nagpasabot kini nga ang pagkabulag sa espirituhanong kalag sa tawo gikan sa iyang lawas dili mao ang hingpit na nga kahimtang. Bisan gani ang katong may-kamatayon nga lawas, usa ka adlaw niana, mobangon ngadto sa kinabuhi pag-usab.

P: Unsa man ang kalambigitan tali sa Pagkabanhaw ni Cristo ug sa ato nga pagkabanhaw?

T: Sama nga si Cristo tinuod nga nabanhaw gikan sa mga minatay ug karon buhi hangtod sa kahangtoran, sa ingon siya mismo magbanhaw sa matag usa sa kataposang adlaw uban sa dili-na-madunot nga lawas: “Kadtong maayog binuhatan mabanhaw ug mabuhi sa dayon ug kadtong daotag binuhatan mabanhaw apan silotan” (Juan 5:29).

P: Unsa man ang mahitabo sa atong lawas ug sa atong kalag human sa kamatayon?

T: Human sa kamatayon, nga mao ang pagkabulag sa lawas ug sa kalag, ang lawas madunot samtang ang kalag, nga dili-mamatay, moadto aron pagsugat sa hukom sa Dios ug magpaabot sa iyang pagkahiusa pag-usab sa lawas diha nga mabanhaw kini nga nausab sa pagbalik sa Ginoo. Sa unsang paagiha mahitabo ang pagkabanhaw sa lawas, milatas na sa unsay maabot sa atong handuraw ug panabot. (Cf. Kompendiyo sa Katesismo sa Simbahang Katoliko, 203-205)