Siya Kanunay Nagauban Kanato

(Homily of Most Rev. Romulo G. Valles, D.D., Archbishop of Davao during the 70th GKK Fiesta of San Roque, Tawantawan, Baguio District, August 17, 2023)

“Ang Dios diay, kanunay nag-uban kanato.” Karong adlawa, kini nga moment, kini nga yugto sa atong kasaysayan, hinumdomi nga ang Dios kanunay nag-uban kanato.

Diha sa unang mga katigulangan sa maong katilingban… niadto di siguro sila kasulti niini pero diha sa kasingkasing nila, “ang Dios, kanunay magauban kanato”.

Ang maong pagsalig mga igsuon, hangtod karon, mao ang atong kusog, mao ang atong inspirasyon, mao nang nakaabot kitag 70 years.

Thirty years from now, mag centennial na ang atong kapilya, looking forward malaumon tungod kay kon nagsaulog kita sa 60 years karon, that means we are so sure nga niaging mga tuig anaa ang Dios, anaa si Jesus anaa si San Roque, ug we can be sure, nga moving forward makaabot kita sa dugang pang mga tuig. Busa karon, adlaw gayod sa pagsaulog sa atong pagtoo.

Kabahin sa atong pagtoo, Catholic faith nga giila nga dunay pipila sa atong katilingban nga klaro kaayo nga buhi ang grasya ni Jesus diha kanila. Sila tataw kaayo nga nagpuyo sa mga bertud sa atong Ebanghelyo, sa ato pa balaan kaayo ang ilang kinabuhi. Dako kaayog respeto ang Catholic Church sa pagtagad sa mga Santos.

Early on sa beginning sa Church, nakita sa Simbahan… the grace of looking at people among us, dili perfect, daghang mga Santos nga makasasala, daghang mga Santos gahig ulo…apan sila na balaan, na grasyahan. Therefore, kining mga Santos, given diha sa ilang kalisod sa kinabuhi, sa ilang pagkatawhanon sama nato, ang grasya mipatigbabaw, nahimo silang balaan. For example, San Roque, klaro ang iyang kinabuhi nga example…nga ang grasya sa Dios mulihok sa atong kinabuhi, makabuhat kitag mga milagro, recorded man o unrecorded.

Apil sa atong pagtoo, ang kahiusahan sa mga Santos, apil na sa atong giingon nga pagtoo. Mainspire kita…kay kung makaila kita sa mga santos, sigurado nga …kita maagni diha paduol kang Jesus.