Mga PSA sa San Pedro Vicariate, Nagkatigom

Malampusong nagpahigayon ug PSA General Assembly ang tibook sakop sa San Pedro Vicariate. Kini gipangunahan sa Parish Social Action Ministry (PSAM) ug ang kinatibok-an sa PSA Coordinators sa matag parokya uban ang tema nga “PSA: Mga Matinud-anung mga piniyalan, gasa nga nagapanaw sa simbahan.” Mikabat 348 aktibong mga Pangulo sa Alagad gikan sa lain-laing parokya nga naka lunhaw ang tshirt isip color sa care for the Earth ang misalmot sa kalihukan niadtong Sabado, Agosto 26, 2023 sa SATMI Gym sa Redemptorist Church. Tumong niini ang pagpalalom sa kaalam sa pagtoo sa usa ka PSA.

Ang maong assembliya gilangkoban sa San Pedro Cathedral, Assumption Parish, St. Jude Parish, St. Alphonsus Parish, Our Mother of Perpetual Help Parish, Our Lady of Miraculous Medal Parish ug ang St. Mary’s Parish. Gawas sa assembliya, aduna sab display sa mga baligya nga mga kakanin, gulay, dishwashing liquid, mga tanom ug uban pa. Isa ka adlaw nga aktibidades ang giandam sa mga nagdumala. Ang registration nagsugod sa alas 7 hantud alas 8 sa buntag. Gi welcome ni Rev. Fr. Gary Alvarado C.Ss.R, Kura Paroko sa OMPH ang mga partisipante ug gipailaila sab ni Mr. Willy Blasé (Vicariate Coordinator) ang mga bisita nga mao sila Rev. Fr. Leonardo “Bong” Dublan, Jr. ang ASAC Director ug Sis. Josephine Camacho, TDM.

Una nilang gihisgotan mao ang reporting sa matag Parokya. Gisunod dayon ang INPUT ni Fr. Bong Dublan mahitungod sa mga guidelines ug norms sa usa ka Pangulo sa Alagad. Matud pa niya, ang mga PSA dapat unahon dyud ang Ginoo ilabina sa pagsimba bago ang mga buluhaton kay para dili siya mahimong salin sa oras. Pagkahuman niana, nagpahigayon sab ug open forum ug mga door prizes sa sesyon sa buntag.

Human sa paniudto, naay mga giandam nga presentasyon ang kada parokya, parlor games ug mga preparasyon. Si Rev. Fr. Bong Dublan sab ang misaulog sa santos nga misa nga nagsugod sa alas 3 sa hapon mao sab ang renewal sa pagka PSA. Ug gitapos kini sa mga major prizes sa sesyon sa hapon.

Daghan kaayo ang nalipay sa maong assembliya ug daghang natun-an ang matag PSA. Daku kaayo ang ilang kalambigitan sa usa ka GKK ug sila mao ang pinakadaghan ug mga tahas maong dili lalim mahimong Pangulo sa Alagad dili lang alagad sa Pamilya kundi Alagad sa Simbahan. (Mary Grace Gonzales | OMPH Parish Soccom)