Manamin kita sa kaugalingon

Dear Ate Emz,

We often see the flaws of others. Kamatuuran kini nato ug kasagaran ingon ini kita. Angkunon ko nga usa ako niining dunay sama nga kinaiya. Sa tinood lang dili ko gusto ang akong pamatasan ngadto sa uban. Mura bitaw ug dili ako gustong mahilambigit apan gina sungog ka gayud sa panahon. Naay mga higayon nga imbes mulikay ka nagapa duol na man hinoon, perte gyud ka sungogan sa panahon. Unsa ba kini nga sa akong mahinumduman dili man ingon ini ang gitudlo sa akong mga ginikanan, ang pagbinuotan man. Ang buhat sa matarong ug maayo baslan sab kini ug gasa sa Ginoo.

Young adult na ako nga ma kunsidera, 30 anyos ulitawo apan immature pa gihapun. Dili man sab tantong ngil-ad akong pagka tawo apan wala man akoy ka ikog sa pagkahimantayon. Ang pagka pait pa gyud kay kung ako na gani ang issue mu bukal dayun akong kalagot. Dili ko ka dawat nga ako maoy gi pagkaisahan.

Gusto unta nako bag-uhon kining akong kinaiya, ug naghinaut ko nga matabangan ko nimo kung unsay angay buhaton. Salamat daan sa mga suggestions nga imong mapaambit.

Sincerly yours,
Brando

* * * * * *

Dear Brando,

Sakto ka, walay tawo nga perpekto. Adunay maayo ug dili maayo nga bahin sa matag usa kanato. Ug usa sa mga dili maayo mao ang pagka himantayon / hinawayon, labi na sa pagpangita sa mga sayup sa uban.

Sa tinuod lang, kasagaran adunay tendency kita nga kadtong kinaiya nga dili nato madawat sa atong kaugalingon, ato lang kini gina project ngadto sa uban aron makita kita nga mas maayo kumpara kanila. Makita ra nimo dayon kay naa man ka ani nga kinaiya. Halimbawa, mo sulti ka nga ang imong silingan “marites” ra kaayo, unya imo kining gipanabi sa imong higala. O, di ba usa sab kini ka pagka “marites” ang imong gibuhat? Makahinundum kita sa pulong sa ebanghelyo nga nag-ingon: “kuhaa una ang troso nga anaa sa imong mata aron makita nimo pag-ayo ang puling sa mata sa imong igsoon” (Matt 7:3).

Nakahisgot ka nga murag ginasungog gyud ka sa panahon tungod kay kung kanus-a ka molikay, mao pa gyud nga moduol hinuon ang tentasyon. Wala ka nag-inusara niining pakigbisog. Bisan gani si San Pablo nga Apostol nakigbugno sa iyang kaugalingon sa dihang siya miingon, “ kay wala ko ginabuhat ang maayo nga akong gusto, apan ginabuhat ko ang dautan nga dili ko buot, karon kon buhaton ko ang dili ko buot, dili na ako ang nagbuhat niini, kondili ang sala nga nagapuyo kanako.( Romans 7:19-20). Mao nga sa atong kagustuhan nga buhaton ang matarong, nanlimbasog kita sa pagbuntog kining makasasalang kinaiya. Tungod niini, usahay maluya kita ug mawad-an og kadasig o gani mabug-atan. Ug mao nga kita lagmit mo give in na lang…busa, sama sa imong kasinatian, maka ingon ka nga “gisungog gyud ko sa panahon”.

Sumala pa nimo, maglagot ka kung ikaw na mismo ang mahimong biktima sama sa imong binuhatan! Sa ato pa, masabtan ra gyud nimo ang gibati sa uban, ug salamat sa Ginoo nga nakaamgo ka ug imo giangkon nga dapat na gyud nimo mabuntog kining negatibo nimo nga kinaiya. Mahimo na nimong sugdan ang sunod nga mga lakang kung unsaon ang “pagkuha sa troso sa imong kaugalingon nga mga mata” aron ang makita ra nimo sa uban mao ang mga maayo dinha kanila.

Unsay angay buhaton? (1) Keep yourself busy so that you will not have idle time. Remember that idleness is the workshop of the devil. Apan kung busy ka, wala siya higayon magsamok-samok sa imoha. (2) Mind your own business (MYOB)… kadtong mga tawo nga walay gibuhat mao ang naay panahon nga makapangita sa mga kasaypanan sa uban. (3) Hinumdumi kanunay ang imong desisyon sa pag bag-o. Sa hinay hinay, one person at a time, one day at a time, paningkamuti ang pagpangita ug mga maayo imbes nga mga negatibo dinha sa tawo nga imong makasalamuha. Ug buhata kini sa 2, 3, 4, + + +… ka mga tawo kada adlaw hangtud nga maanad ka na og mas daghan na ang mga positibo nga imong makita sa kadaghanan kanila. (4) Sincerely compliment, appreciate, or affirm more than criticize others. ( example: “I like your new haircut, it makes you look years younger”, “salamat sa inspirational message sa FB”, “I like the way you smile, sweet kaayo”, “I admire your courage…etc., etc….) (5) Start with yourself. Unsa ang imong mga maayong kinaiya, mga maayong binuhatan? If you sincerely and humbly acknowledge your good traits and deeds, it is easier for you to see these in others as well. Furthermore, remember that humility is truth. It is gratefully accepting God’s gifts bestowed on you. (6) Samtang naningkamot ka sa pagpalambo sa kinaiya sa pagtan-aw sa maayo diha sa uban, (sa ilang pulong ug mga buhat), himoa kini nga imong oportunidad sa pagsundog kanila. Mahimo sila nga imong mga sumbanan sa pipila ka mga hiyas nga makapatubo kanimo aron mahimong mas maayong tawo. Ug basin sa ulahi, dili lang nimo mahibaloan, nahimo ka usab nga modelo nga sundon sab sa uban. (6) Labaw sa tanan, alimahan nimo kining tanang pagpaningkamot pinaagi sa PAG-AMPO. Remember, prayer is our only strength, according to St. Pedro Poveda. Sa walay pagduhaduha, ang Ginoo mobubu sa tanang grasya nga imong gikinahanglan aron mabuntog nimo ang imong mga kahuyang, ug mas molig-on ka sa imong mga pakigbisog. Salig lang sa Iyang pulong, “ang Akong grasya igo na kanimo”. ( 2 Cor. 12:19)

Niining tanan nga mga hagit, hinaut nga mahimo kang mas maayong Brando karon, kumpara sa kagahapon.

God bless you more.

Ate Emz