God’s Mysterious Ways

Dear Ate Emz,

Married po ako and a father of one and soon another one is coming up. God is so good gayud kaayo kay I thought dili na masundan. It’s been almost 9 yrs bago gi gasahan ug another precious gift. God really works in unexpected ways. His works are mysterious and unpredictable. I never question God about it, daku ang akong pagsalig ug pagtoo Kaniya. Ako ug akong asawa we’re patiently waiting and now it’s worth the wait.

Ang akong ka maguwangan is now almost 9 years old. Akong napamalandungan nga mao diay nga taod-taod sab bago gitugot sa Ginoo nga masundan kay aron ma tutukan namo ang iyang pagdako. Ma enjoy namo ang iyang growing years and sa iyang pangedaron she already has an interest of her own. Dili na ma baby baby kay lagi medyo dalaga na and since nga wala pa mi naka get over treating as our first born baby and all. God makes a way to continue sa among longing for a company of an infant or toddler in the family.

Mapasalamaton kaayo ako ug dako, sangko sa langit sa mga gasa ug answered prayers. Ginoo, angay Ka gayud himayaon, dalaygon,ug higugmaon.

Billy

* * * * * *

Dear Billy,

Indeed, angay gayud himayaon, dalaygon, ug higugmaon ang Ginoo tungod sa Iyang gasa nga gibubo dinha kaninyo.

Congratulations for the coming precious gift of life…after patiently waiting for long years! I agree with you…patience lang gyud ang kinahanglan, moabot ra gyud ang takdang panahon, matuman gyud ang atong ginahangyo sa Ginoo, in His own time. Basta dili lang kita dali mawad-an og paglaom. Ang Ginoo nahibalo sa tanan ug naa Siyaý rason sa tanan niyang plano alang kaninyo. He knows what is best for you.

Ug ikaw na mismo ang nagsulti nga Iyang giplano nga dili usa sundan dayon ang inyong kamagulangan…aron matutukan gayud ang iyang pagdako. Tinuod kini, at least sa pangedaron sa inyong kamaguwangan, andam na siya mahimong “ate” sa iyahang umaabot nga igsoon. Gina imagine na nako ang excitement ninyong tanan! Ang kalipay sangko gyud sa langit! Salamat ug natutukan gyud ninyo, journeying with your daughter sa iyang pagtubo dinha sa inyong gugma ug pag-atiman. At the age of 9, naa na siyaý sense of responsibility sa iyang mga lihok ug mga buluhaton sa balay.

Ang ako lang reminder, agi preparasyon ninyong tanan bahin sa pagabot sa inyong precious gift, maging mindful gyud mo sa mga reactions sa inyong panganay. Of course, lipay gyud na siya nga naa siya’y manghud. Apan dili malikayan nga moabot ang mga moments nga mobati siya og selos ilabi na kung ma feel niya nga wala na sa iyaha ang 100% ninyo nga attention, ug feel niya nga na-“dethrone” na siya sa iyahang puwesto nga siya ang kanunay ginahatagan ug attention. Mao nga aron ma feel niya nga importante gihapon siya, gikinahanglan gyud ma-involve siya sa ubang mga buhaton for the baby, sama sa pagilis sa diaper/sinina, prepare sa higdaan, pagpatulog, etc. Nagatoo ako nga mag-enjoy gyud siya ani ug ma feel niya nga “ate” na gyud siya. Kay naa koy nahibaluan nga kamaguwangang anak 3 yrs old, iyang gitabunan og unlan ang ulo sa iyang manghod kay naglagot siya tungod kay na feel niya nga “kaagaw” sa trono ang ilang baby! Maayo na lang gani, thanks to a mother’s intuition, nasakpan niya ang gibuhat sa iyang panganay nga anak.

In this case, always assure your panganay nga wala nabuhinan ang inyong pagpangga sa iyaha bisan pa sa pag-abot sa iyang manghod. Kay tungod bisan dili niya ginasulti, it’s a reality that a part of her magselos usahay.

In the meantime, also involve your panganay, sa pagampo nga safe lang ang pagabot ni baby, nga healthy ang baby ug ang Mama all throughout the pregnancy period hangtud sa pagpanganak.

Take care and have a joyful anticipation of your coming precious gift and may God and Mama Mary accompany your journey as a family.

God bless you more.

Ate Emz