Media Apostolate, Saulogon ang World Communication Day sa Malabog Parish

Thanksgiving Dinner human sa Misa alang mga lokal nga manunulat ug magsisibya.

Mao kini ang highlight sa selebrasyon sa World Communications Day (WCD)  niadtong tuig 2013.  Ang tigum nakahatag ug kadasig kanila nga mga beneficiariesusab sa pormasyon ug programa sa Davao Verbum Dei Media Foundation, Inc., ang media apostolate sa Archdioceseof Davao. Ang maong Foundation ang nagapagula sa sinemanang Davao Catholic Herald (DCH).

Karong tuiga, isip pagtubag sa hagit ni sa atong Santo Papa nga ang midya magamit aron kita mas maduol pa sa usag-usa, ug isip pasalamat sa DCH sa suportang padayon nga ginahatag hilabi na gikan sa mga parokya, napili ang parokya sa San Roque Malabog isip benefiting community sa 1st Medical Mission karong adlawa, Hunyo 1.

Uban tumong niini nga makighiusa sa ilang GKK Day nga gitunong usab sa ika-10 ng tuig sa pagkapari sa Kura Paroko, Fr. Jemasol “Jojo” Ortiz. Bag-o man miabot ning adlawa, napahigayon na ang kanhing Media Baby ka ba? Church Media Literacy Caravan niadtong Mayo 10 atol sa ilang summer youthcamp.

Batan-on, Kristiyano, Disipulo 

“Apart from Jesus, we are nothing.”

Gipahinumduman ni Fr. Jojo ang mga batan-ong nanambong sa youtcamp nga importante ang kinabuhi sa batan-on u gang pag-apil diha sa Simbahan. Dungag pa niya sa iyang homiliya, “Nakapabugnaw ba kaninyo ang sitwasyon sa inyong pamiya?  Naa man gani sa pasungan gipanganak si Jesus. Develop the simplicity with more trust on His providential care. Kung kini masabtan, kita dili dayon mu-give up tungod kay Batan-on ka, Kristiyano ka ug Disipulo ka.   Gitapos ang camp sa Sending Forth Ceremony sa mga bag-ong lideres nga gipangunahan ni Liberth Dela Cruz, Parish GKK Youth Coordinator.  Ang samang mga lideres maoy magpasiugda uban ang DAYCA Kalakbay Youth Corner sa Kids ug Youth Festival karong adlawa.  Dula-dula, sayaw-sayaw, ug panag ambit ang naghulat alang sa tanang mutambong niini.

Health ug Disaster Education sa Medical Mission 

Bag-o pa man ipahigayon ang medical mission karong adlawa, ang San Pedro Hospital maghatag ug lecturearon mas mapalawom pa ang kahibalo sa mga taga Parokya sa pag atiman sa ilang panglawas layo sa sakit, ug uban pa.

Maghatag usab ang Archdiocesan Social Action Center (ASAC) ug San Pablo Parish Quick Response Team (QRT) ug disaster preparedness nga talk ug actual training isip pagtabang ug pagpangandam sa katilingban panahon sa nagkadaiyang katalagman kon aksidente sama sa bagyo, baha, ug sunog.

Radio study presentation, survey

Sa planong pagpaabli sa atong Katolikong Radyo dinhi sa Dabaw, magpahigayon usab ug presentasyon ug media survey sa maong parokya. Layon niini nga makuha usab ang pulso isip representante sa mga parokya nga layo sa siyudad/rural.

Mapasalamaton ang tibuok parokya tungod niini uban ang panghinaut nga malingaw ug mabendisyunan ang tanan apil na ang mga partners gikan sa San Pedro Collage, SPH, ASAC, San Pablo QRT, DAYCA Kalakbay ug LGU Malabog