Ang Dignidad ug Misyon sa Mga Layko “Ganito Noon; Paano Ngayon?”

(Giandam ni Fr. Ronald Lunas)
Katapusang Bahin

Panapos

Biente singko katuig human sa Vaticano KK, si San Juan Pablo II, resulta sa 1987 nga Sinodo sa mga Obispo mahitungod sa mga layko, misulat sa dokumento nga Christifideles Laici. Ang Papa, sunod sa pamalandong ni San Gregorio nga Bantugan sa Mateo 20:1ff mahitungod sa mga mamumuo nga gipatrabaho sa parasan miingon nga ang parasan mao ang kalibutan nga kinahanglang bag-ohon sumala sa plano sa Dios alang sa Gingharian.

Nangutana siya: Ngano nga giusikan ninyo ang tibuok adlaw nga walay gihimo? (Mt. 20: 6). Matod pa sa Santo Papa: Karong adlawa dili ang panahon nga walay buhaton.

Karon, diha sa Simbahan ug sa sosyal, ekonomikanhon, political ug kultural nga kinabuhi, adunay panginahanglan alang sa aksiyon sa mga laykong magtutuo. Kon ang kawalay pagtugyan sa kaugalingon dili madawat, labi na kini karon (CL 3)

Miingon usab ang Papa: Adto usab kamo ug trabaho sa parasan (Mt. 20:7). Ang gipangandoy sa Sinodo, ang “labing bililhong bunga”, mao ang tubag sa mga layko sa pagdapit ni Hesus, alang sa aktibo, nasabtan, ug responsible nga pagka-kabahin sa misyon sa Simbahan (CL 3). Walay luna alang sa walay buhat. Adunay panginahanglan ug mga mo-trabaho. Ug ang pagdapit nagpadayon.

Huli man basta magaling ay maihahabol din!