Pagpangalagad Inubanan sa Pagpaubos

Nagpahigayon og sending forth ang parokya sa Santiago Apostol Bunawan niadtong Hulyo 9, 2023 sa alas 8:30 sa buntag, adlawng Dominggo alang sa tanang mga GKK servant leaders. Gipanguluhan kini ni Rev. Fr. Rolando O. Mandreza, nga gisugdan sa pagsaulog sa Santos nga Misa. Kini gitambongan sa pipila ka mga pangulo sa nagkadaiyang GKK sa Bunawan. Naa usab ang mga katawhan sa Mission Society of the Philippines alang sa pagsaulog sa Filipino Mission Sunday.

Sa Ebanghelyo nga gipalawoman ni Fr. Mandreza, gipahinumdom niya sa tanang katawhan kung unsa ka bililhon ang usa sa mga birtud nga atong pagabatunan isip mga Kristiyano nga mao ang pagkamapaubsanon ug pagkamalumo. Sumala ni Fr. Mandreza, “Ang pagkayano ug pagkamapaubsanon, kinaiya kana nga angay batunan isip sumusunod ni Kristo”. Iya usab gisaysay ang kalisod ug kabug-at sa mga palas-anon ug responsibilidad natong mga tawo dri sa kalibutan. Dili sayon apan kung adunay pagpaubos ug pagsalig kay Kristo, aduna kini’y kahupayan. Matod pa ni Fr. Mandreza, Si Jesus mutabang kanato sa atong mga responsibilidad ug dili kita biyaan. Mangalagad nga adunay pagpaubos arun adunay kahupayan kanatong tanan.

Human sa homiliya, gisundan dayun kini sa pagpanaad sa mga GSL. Kini gitambongan sa daghang mga lideres gikan sa nagkadaiyang ministriya, ang PSA, PSK, PSP, PSL ug PSB diin nasaksihan ang pagtubo sa Kristohanong katilibingnan sa mga miaging katuigan sa Parokya ni Santiago Apostol. Natapos ang Santos nga Misa nga puno sa kalipay ug paglaum sa tanang katawhan. (Elona Jane Ricafort | Photos by Vanessa Calibod)